Jabuuroolu 69:35 - Mandinka Bible

³⁵ Alla be Siyoni* kiisa la le, aduŋ a be Yahuuda saatewolu seyinkaŋ loo la le. A la moolu be sii la jee le, a ye ke ì taa ti.

Jabuuroolu 69:35 ပူးပေါင်းရင်းမြစ်များ

1 Taarika 16:32

Fankaasoo ye bumbuŋ, aniŋ feŋolu mennu bee be a kono. Kunkoolu ye seewoo, ì niŋ ì fiifeŋolu.

Jabuuroolu 102:13

I be wuli la le ka balafaa soto Siyoni* ye. Waatoo siita le ka i la hiinoo yitandi a la. Waatoo meŋ tombonta, a siita le.

Jabuuroolu 102:16

Kaatu Yaawe be Siyoni seyinkaŋ loo la le, a ye a faŋo la kallankeeyaa lankenemayandi.

Jabuuroolu 145:10

Yaawe, i la daafeŋolu bee be i jayi la le, i la lannamoolu bee ye i tentu.

Jabuuroolu 145:21

Wo to, nte be tu la Yaawe jayi la le. A la daafeŋolu bee, ali a tentu a too senuŋo la fo abadaa.

Jabuuroolu 148:4

Saŋ fatoo daŋolu, aniŋ jiyolu mennu be saŋ fatoolu ye santo la, ali a jayi.

Jabuuroolu 51:18

Hee Alla, konotodiyaa yitandi Siyoni* saatewo la, i ye Yerusalaamu tata sansaŋolu seyinkaŋ loo.

Yesaya 14:32

Muŋ jaabiri le be dii la kiilaalu la, mennu bota Filisitini bankoo kaŋ? M̀ be a fo la le ko, “Yaawe le ye Siyoni* londi fo a bambanta, aduŋ a la moo toorariŋolu be tankoo soto la jee le.”

Yesaya 44:23

Hee saŋ fatoolu, ali suukuwo laa, kaatu Yaawe le ye ñiŋ ke. Hee duniyaa daŋo, sari santo. Alitolu konkoolu ali wutu suukuwo ti, aniŋ alitolu sutoolu niŋ ali la yiroolu bee, kaatu Yaawe ye Yaakuba kumakaa le, a ye a la semboo niŋ waroo yitandi Banisirayila.

Yesaya 44:26

N ka n na dookuulaa la kumoo timmandi le, ŋa n na annabiyomoo la bankeeroo ke kuu sotoriŋo ti. Ŋa a fo le ko, moolu be sabati la Yerusalaamu le kotenke, ì ye Yahuuda saatewolu lookuu. Ì la saatewolu be bo la tumbundiŋ ne, ì ye seyi ì ñaama.

Yesaya 46:13

M pareeta le ka n na tankoo sutiyandi naŋ, a maŋ jamfa, aduŋ n na kiisoo te mee la a be naa. M be Siyoninkoolu* kiisa la le, ŋa n na kallankeeyaa* dii Banisirayilankoolu la.”

Obadiya 1:17

“Bari Siyoni* Konkoo kaŋ, moolu be tara la jee le mennu kanata, aduŋ ñiŋ konkoo be ke la dulaa senuŋo le ti. Yaakuba koomalankoolu be ì fansuŋ bankoo soto la le kotenke.

Lankenemoo 14:1

Bituŋ ŋa juubeeroo ke, ŋa Saajiiriŋo je looriŋ Siyoni* Konkoo kaŋ, aduŋ moo wuli keme wuli taŋ naani niŋ naani be a fee. A too niŋ a Faamaa too le be safeeriŋ wolu foŋolu to.