Jabuuroolu 69:26 - Mandinka Bible

²⁶ Bayiri ì ka moolu toorandi le, ite ye mennu jarabi fokabaŋ, ka moolu la mantooroo jumbundi, i ye mennu lanjuuru.

Jabuuroolu 69:26 ပူးပေါင်းရင်းမြစ်များ

2 Taarika 28:9

Bari Samariya saatewo kono, Yaawe la annabiyomoo be sabatiriŋ jee le, meŋ too mu Odedi ti. Wo le fintita ka Banisirayila kelediŋolu benduŋ, biriŋ ì be muru kaŋ Samariya. A ko ì ye ko, “Yaawe, ali mumuñolu la Alla, a kamfaata Yahuuda kamma le, wo le ye a tinna a ye ì duŋ ali bulu. Bari ali ye ì faa faañaa jawu baa le la, meŋ futata fo Arijana kono.

Yuuba 30:13

Ì ye n na kanaraŋ siloo kuntuntee, ì ye n na kuwo jindi, moo maŋ soto ka ì bali a kewo la.

Jabuuroolu 109:16

Bayiri ate maŋ i miira ka konotodiyaa yitandi, a ka fuwaaroolu le toorandi, sembentaŋolu, aniŋ moo jikilateyiriŋolu, ka ì faa.

Yesaya 53:10

Bari a keta Yaawe la lafoo le ti, ka a mantoora niŋ dimiŋo la. A la baluwo keta sadaa* ti junuboolu ye ñaa-wo-ñaa, a koomalankoolu be siyaa la le. A be sii jaŋo soto la le, aduŋ a be Yaawe la feeroo taamandi kuu la le.

Yesaya 53:4

Tooñaa-tooñaa, ate le ye ǹ na kuuraŋolu taa a ye ǹ na dimoo dunoo samba, bari hani wo, ŋà a miira le ko, Alla le ye a busa, a ye a mantoora, a ye a jarabi.

Jakariya 1:15

M be kamfaariŋ bankoolu kamma le kendeke, mennu be siikuuriŋ tankoo kono. Kaatu ŋa ì taa le ka n na moolu jarabi n na kamfaa kaŋ, bari itolu ye ì mantoora jawuke le fo a tambita.

Jakariya 13:7

Yaawe Alihawaa Maariyo ye ñiŋ ne fo ko: “Hawusari*, kuniŋ i ye wuli n na kantarilaa kamma, wuli a kamma, n na moo sutuŋo le mu. A seyi, saajiyolu ye janjaŋ. Hani domandimmaalu faŋo, m bulu be laa la ì kaŋ ne.”

1 Tesalonikankoolu 2:15

Itolu le ye Maarii Yeesu faa, aniŋ annabiyomoolu, aduŋ ì ye ntolu fanaa bayi ì la saatewolu kono. Ì ka Alla kamfandi, aduŋ ì ka balaŋ moolu bee ma.