Jabuuroolu 69:25 - Mandinka Bible

²⁵ Allamaa ì la daakaalu ye tumbuŋ, moo kana tu sabatiriŋ ì la tiriliisoolu* kono.

Jabuuroolu 69:25 ပူးပေါင်းရင်းမြစ်များ

Kiilaalu 1:20

A be safeeriŋ Jabuura Kitaaboo kono ko: ‘Allamaa i la daakaa ye tumbuŋ, moo kana tu sabatiriŋ jee,’ aduŋ ‘Moo doo ye a la dookuu palaasoo taa.’

Matiyu 23:38

A juubee, ali la buŋo be tu la kenseŋyaariŋ.

Luka 13:35

A juubee, Alla be a la buŋo bula la le. M be fo la ali ye, ali te n je la fo waatoo meŋ na, ali be a fo la ko, ‘Tenturoo niŋ jayiroo be ate le ye, meŋ ka naa Maariyo too la.’ ”

Yesaya 6:11

Wo to le n kumata ko, “Hee Maariyo! Fo waati jumaa?” A ye n jaabi ko, “Fo niŋ saatewolu tumbunta, moo maŋ tara ì kono, fo niŋ buŋolu kenseŋyaata, kunkoolu ye tiñaa aniŋ ka kasaara,

Yesaya 5:1

M be suukuwo laa la n kanuntewo ye le, a la wayini* yiri kankaŋo la kuwo kamma la: N kanuntewo ye yiri kankaŋo le soto konko daala, daameŋ ye jambandoo soto.

1 Mansoolu 9:8

Ñiŋ buŋo si naa ke tumbuŋo ti, aduŋ moolu mennu bee be tambi la jee be jaakali la le, aduŋ ì si ñaawaliroo ke ka a fo ko, “Muŋ ne ye a tinna Yaawe ye ñiŋ kuu siifaa ke ñiŋ bankoo moolu la, aniŋ ñiŋ buŋo?”