Jabuuroolu 69:21 - Mandinka Bible

²¹ Ì ye kunoo le ke n ye domoroo to. Biriŋ mindoo ye m muta, ì ye bineekaroo* le dii n na ka a miŋ.

Jabuuroolu 69:21 ပူးပေါင်းရင်းမြစ်များ

Matiyu 27:34

Ì ye wayinoo* niŋ jii kunaŋo ñaami, ì ye a dii a la ka a miŋ. Biriŋ Yeesu ye wo nene, a balanta ka a miŋ.

Luka 23:36

Kelediŋolu fanaa ye a ñaawali le, ì naata a kaŋ ka bineekaroo* dii a la.

Maaka 15:23

Ì lafita wayinoo* dii la Yeesu la jee, ì ye meŋ niŋ miiri* munkoo ñaami, bari Yeesu maŋ soŋ ka a miŋ.

Matiyu 27:48

Moo kiliŋ borita katabake, a ye fuwo taa, a ye a bula bineekaroo* kono. A ye a ke dokoo bala, a ye a dii Yeesu la ka a suusuu.

Maaka 15:36

Bituŋ moo kiliŋ borita, a ye fuwo bula bineekaroo* kono. A ye a ke dokoo bala, a ye a dii Yeesu la ka a suusuu, aduŋ a ko, “Ali i batu, ŋà a juubee fo Eliya be naa la le ka a jindi duuma.”

Yeremiya 9:15

Wo kamma la Yaawe Alihawaa Maariyo, Banisirayila la Alla, ye ñiŋ ne fo ko: “A juubee, m be ñiŋ moolu domorindi la domori kunaŋo le la, ŋa ì mindi kunoo la.

Yeremiya 8:14

Yahuuda moolu ko: “Ǹ ka muŋ ne sii jaŋ? Ali ŋà kafu ñoo ma, ŋà bori saatee tatariŋolu kono, hani niŋ a ye a tara m̀ be faa la jee, kaatu saayaa, Yaawe ǹ na Alla ye wo le parendi ǹ ye, a ye kunoo le dii ǹ na ka a miŋ, kaatu ŋà junuboo le ke a la.

5 Musa 29:18

Ali si ali hakiloo tu fo ali kono moo kana a koo dii Yaawe la ka wo banku moolu la wo jalaŋolu batu. Kaatu niŋ moo-wo-moo marisata ali la dimbaayaalu niŋ lasiloolu kono fo a ye wo ke, wo maarii be ke la ali kono yirisuloo le ti, meŋ be kali kunoo niŋ diŋ kunaŋo wuluu la.

Yeremiya 23:15

Wo kamma la Yaawe Alihawaa Maariyo* ye ñiŋ ne fo wo annabiyomoolu la kuwo to ko: “M be ì domorindi la domori kunaŋo le la, ŋa ì mindi kunoo la, kaatu Yerusalaamu annabiyomoolu ye a tinna le Alla soosoo janjanta bankoo bee kaŋ.”

Kawandilaa 4:1

Ŋa koroosiroo ke kotenke, ŋa a je toorandi kuwo meŋ be taama kaŋ ñiŋ duniyaa tiloo koto: Ŋa moo toorariŋolu ñaajiyo je le, ì maŋ sabarindilaa soto. Semboo be ì toorandilaalu le bulu, moo maŋ soto ka ì sabarindi.

Niikuyaa Suukuwolu 1:2

Badaa-badaa suuto kumboo, ñaajiyo ka bori a ñaasiŋo la. A kanuntewolu bee kono, a maŋ sabarindilaa kiliŋ soto, a teeroolu bee ye jamfaa tiliŋ a la, ì keta a jawoo ti.

Niikuyaa Suukuwolu 1:9

Kosoo le be i la faani tuloo bala, i maŋ i labaŋo muta feŋ ti, wo le ye i la boyoo saŋarandi, i maŋ sabarindilaa soto. I kumboota, “Hee Yaawe, n na mantooroo juubee, n jawoolu ye i kutu n na le.”