Jabuuroolu 68:7 - Mandinka Bible

⁷ Kooni Alla, tuma meŋ i tambita i la moolu ñaato, tuma meŋ i taamata ì fee keñewuloo* kono, S

Jabuuroolu 68:7 ပူးပေါင်းရင်းမြစ်များ

2 Musa 13:21

Tiloo la, Yaawe ka tambi ì ñaato niŋ minaayoo le la ko samasiŋo, ka ì ñaatonkayaa ì la siloo kaŋ. Suutoo la, dimbaa samasimmaa ka maloo dii ì la, fo ì si taama noo suutoo niŋ tiloo.

Kiitindirilaalu 5:4

Hee Yaawe, kabiriŋ i bota naŋ Seyiri konkoolu to, kabiriŋ i naata ka bo Edomu bankoo kaŋ, bankoo jarajarata. Jiyo jurumita ka bo saŋo santo, minaayoolu ye jiyo juruma duuma.

Kiitindirilaalu 4:14

Bituŋ Debora ko Baraki ye ko, “Wuli! Bii le mu luŋo ti, luŋo meŋ Yaawe be Sisera duŋ na i buloo kono. Yaawe le be tara la i ñaato.” Bituŋ Baraki jiita Tabori Konkoo duuma, kee wuli taŋ ne bulata a nooma.

Mika 2:13

Alla le be siloo yele la, a ye tambi ì ñaato, bituŋ ì ye a nooma. Ì ye tambi niŋ saatee dundaŋ daa la, ì ye finti. Ì la Mansa, Yaawe faŋo le be tambi la ì ñaato.

5 Musa 4:34

Alla koteŋ nene maŋ banku bondi banku doo bulu ka ì ke a faŋo taa ti. Bari Yaawe ye wo le ke alitolu ye Misira, a ye a ke ali faŋolu le ñaa koto niŋ kaawakuwolu niŋ taamanseeroolu la, ì naata ke moolu ye masilaŋo ti. A ye ñiŋ ke niŋ a bulu sembemaa baa le la. A ye mantoora kuu jamaa le laa Misirankoolu kaŋ ali ñaa la, a ye ì kelendi saŋarake ali ye.

Jabuuroolu 107:34

A ka senebanku kendoolu yelemandi lewolu ti le, jee siilaalu la jawuyaa maañaa kamma la.

Jabuuroolu 146:7

Yaawe le ka kiitiyo teyi moo toorariŋolu ye, a ye ì boloo dii ì la, aduŋ a ka domoroo dii moo konkoriŋolu la le. Yaawe le ka mutamoolu firiŋ.

Yesaya 61:1

M Maarii Yaawe* la Nooroo be n kaŋ ne, kaatu Yaawe le ye n tomboŋ, ka kibaari betoo kawandi fuwaaroolu ye. A ye n kii le ka moo jikilateyiriŋolu wakiilindi, ka a kankulaa mutamoolu ye ko ì firinta le, aniŋ ka bunjawutonkoolu bondi diboo kono.