Jabuuroolu 68:6 - Mandinka Bible

⁶ Alla le ka kiideetoo dimbaayandi. Ate le ka mutamoolu firiŋ, a ye ì yiriwandi burayi. Bari balannaalu, wolu be tara la siiriŋ banku jaariŋo le kaŋ.

Jabuuroolu 68:6 ပူးပေါင်းရင်းမြစ်များ

Jabuuroolu 113:9

Ate le ka a tinna musu jiidibaloo ye horomoo soto suwo kono, a ka diŋolu dii a la le, a ye a seewondi. Ali Yaawe jayi.

Jabuuroolu 69:33

Yaawe ka i lamoyi moolu la le mennu be sotobaliyaa daa to, aduŋ a buka a ñaa kaasi a la moolu la, mennu be mutoo kono.

Jabuuroolu 107:14

A ye ì bondi dibi fiŋ baa niŋ niitooroo kono, a ye ì la joŋyaa joloolu kuntu ì la.

Jabuuroolu 107:10

Doolu tarata baluuriŋ dibi fiŋ baa niŋ niitoora koleŋo le kono, ì tarata sitiriŋ tooroo kono joloolu daa.

Yesaya 61:1

M Maarii Yaawe* la Nooroo be n kaŋ ne, kaatu Yaawe le ye n tomboŋ, ka kibaari betoo kawandi fuwaaroolu ye. A ye n kii le ka moo jikilateyiriŋolu wakiilindi, ka a kankulaa mutamoolu ye ko ì firinta le, aniŋ ka bunjawutonkoolu bondi diboo kono.

Jabuuroolu 146:7

Yaawe le ka kiitiyo teyi moo toorariŋolu ye, a ye ì boloo dii ì la, aduŋ a ka domoroo dii moo konkoriŋolu la le. Yaawe le ka mutamoolu firiŋ.

Kalatiyankoolu 4:27

A be safeeriŋ ate le la kuwo to ko: “I si seewoo, musu jiidibaloo meŋ nene maŋ diŋo soto. Suukuulaa dati, i ye sari seewoo kamma la. Ite meŋ maŋ tiŋo la koleyaa loŋ, musu kiideeriŋo, i be diŋ jamaa soto la le, ka tambi musoo la, kewo be meŋ bulu.”

1 Samuweli 2:5

Moolu mennu ka daañinoo soto nuŋ kendeke, saayiŋ wolu le ka ì faŋolu luwaasi banta, fo ì si domoroo soto. Bari moolu mennu konkota nuŋ, wolu maŋ konko kotenke. Musu jiidibaloo ye konoñaa woorowula wuluu, bari musu jiidilaa meŋ ye dinkee jamaa soto, wo tuta foo la semboo la.

Kiilaalu 16:26

Wo loo niŋ baroo teema, banku jarajara baa keta fo bunjawoo la fondamaŋolu maamanta. Jee niŋ jee bundaalu bee yeleta, aduŋ ì bee la neejoloolu firinta ì bala.

Jabuuroolu 107:34

A ka senebanku kendoolu yelemandi lewolu ti le, jee siilaalu la jawuyaa maañaa kamma la.

Malaki 1:3

Ŋa Esawu koŋ ne, ŋa a la konkotundoo* kenseŋyandi, ka a la keetaafeŋo ke kunkuwuloolu sabatidulaa ti.”

Hoseya 2:3

Niŋ wo nte, n si a wura, a kenseŋo ye loo, a kenseŋo si loo, ko a wuluuta ñaameŋ. N si a ke ko keñewuloo*, ŋa a ke ko banku jaaroo, ŋa a faa mindoo la.

5 Musa 10:18

A ka aliyatiimoolu niŋ furuyaamusoolu la kiitiyo kuntu tiliŋo le kono, aduŋ a ka tumarankewolu kanu le ka domoroo niŋ feetoofatoo dii ì la.

Jabuuroolu 10:14

Bari ite Alla ka jeroo ke le de, ka moo bataariŋolu la kuwo hakilitu, aniŋ niitoorariŋolu, ñiŋ kamma la i si i buloo duŋ ì la kuwo to ka ì maakoyi. Moolu mennu te ì faŋ maakoyi noo la ka ì faŋolu karafa ite le ma. Ite le mu aliyatiimoolu maakoyilaa ti.

Kuma Kotoomaalu 23:11

kaatu Alla le mu ì tankandirilaa bambandiŋo ti, ate le be kiitiyo ke la ì ye.