Jabuuroolu 68:21 - Mandinka Bible

²¹ A be koyiriŋ ne ko, Alla be a jawoolu kuŋolu teyi la le, wo kuŋ ñandiŋolu, mennu ka tu ì la junube siloolu kaŋ.

Jabuuroolu 68:21 ပူးပေါင်းရင်းမြစ်များ

Habakuki 3:13

I naata le ka i la moolu kanandi, ka i la moo tombondiŋo tanka. I ye moo kuruŋolu ñaatonkoo kasaara le, ka a bulu kenseŋyandi. S

Jabuuroolu 110:6

A be kiitiyo taamandi la banku koteŋolu kaŋ ne, ka ì fandi moo furewolu la. A be maralilaalu kasaara la duniyaa karoo bee le la.

Jabuuroolu 7:12

Niŋ moo kuruŋolu maŋ tuubiseyi, Alla be a la hawusaroo* diyaa la ì kamma le. A be a la kalandiŋo ŋaaji la le ka a parendi.

Luka 13:5

Ŋa a fo ali ye, hanii! Bari fo niŋ ali tuubita ali la junuboolu la, niŋ wo nte ali bee be yankankati la wo le ñaama.”

Hiburunkoolu 12:25

Ali ali hakiloo tu, fo ali kana balaŋ wo maarii ma, meŋ be diyaamu kaŋ ali ye. Moolu mennu balanta Musa ma, meŋ ka ì dandalaa duniyaa kono jaŋ nuŋ, wolu maŋ kanadaa soto. Ntolu be kanadaa soto la ñaadii le, niŋ ŋà ǹ ñaa kaasi ate la, meŋ be ǹ dandalaa kaŋ ka bo Arijana kono?

Jabuuroolu 55:23

Ite Alla le be wo moofaalaalu niŋ neeneerilaalu ñori la kaburoo duuma, janniŋ ì be ì siyo talantewo baluu la. Bari nte de, ŋa n jikoo loo ite le kaŋ.

Maaka 12:4

Tukuŋ fanaa a ye dookuulaa doo kii. Bari luwaasilaalu ye wo lipa ka a barama a kuŋo to, aniŋ ì ye a malundi.

Jabuuroolu 68:18

Ite Maariyo, i taata konko jaŋo santo le. I taatoo ye mutamoolu samba. I ye moolu la buuñaa soorifeŋolu muta le, hani mennu balanta i la sabatoo la jee.

2 Musa 14:13

Musa ye moolu jaabi ko, “Ali kana sila. Ali loo, ali ye bambaŋ, aduŋ ali be a je la le, Yaawe be ali tankandi la ñaameŋ bii. Ali ye Misirankoolu mennu je bii, ali te ì je la kotenke.

Jabuuroolu 91:3

A be i tanka la jawoo la kutindiŋo ma le, aniŋ alibalaa jawoo.

Yesaya 12:2

Tooñaa-tooñaa, Alla le mu n tankandirilaa ti. M be n jikoo sembe la a la le, n te sila la. N semboo ka bo m Maarii Yaawe le bulu, n ka suukuwo laa ate le ye, kaatu ate le mu n tankandirilaa ti.”