Jabuuroolu 68:19 - Mandinka Bible

¹⁹ Tentoo be Maariyo ye, meŋ buloo ka tara ǹ koto luŋ-wo-luŋ. Alla le ka ntolu kiisa. S

Jabuuroolu 68:19 ပူးပေါင်းရင်းမြစ်များ

Yesaya 46:4

Hani ali kotoota, nte be tara la n ñaama le, ali tiyolu si koyi ñaa-wo-ñaa, m be ali topatoo la le. Nte le ye ali daa, m be ali bambu la le, m be ali maakoyi la le, m be ali tanka la le.

Niikuyaa Suukuwolu 3:23

Ì ka kutayaa le fanikee-wo-fanikee. A ka tu tilindiŋ ǹ ye le doroŋ.

Efesusinkoolu 1:3

Tenturoo niŋ jayiroo be Alla ye, m̀ Maarii Yeesu Kiristu Faamaa. A neemata m̀ ma, Nooroo la neemoolu bee le la, mennu be Arijana dinkiraalu kono, neemoolu mennu bee sotota ka bo niŋ Kiristu la.

Jabuuroolu 55:22

I la bataa dunoo tu Yaawe bulu, a be a topatoo la le. A nene te soŋ na ì ye moo tilindiŋolu wutundi ì noo to.

Jabuuroolu 65:5

Hee Alla, ǹ na kiisoo sababoo, i ka ǹ na duwaalu jaabi le ka bo niŋ kaawakuwolu la, ka ǹ tankandi. Ite le mu duniyaa moolu bee jikiraŋo ti, hani mennu be siiriŋ fankaasoolu daŋo to.

Jabuuroolu 32:7

I mu n ye maabodulaa le ti. I be n tankandi la mantooroo ma le, aduŋ suukuulaa le be tara la m fee karoo bee la, i la n tankandoo kaŋ. S

Jabuuroolu 139:17

Kooni Alla, i la miiroolu kuliyaata n na fahaamuroo ti le, n te ì daŋo bondi noo la.