Jabuuroolu 68:17 - Mandinka Bible

¹⁷ Maariyo bota naŋ Siyoni Konkoo to, a niŋ a la keleraŋ sareeti* wuli dambaloolu, ka duŋ a Batudulaa Senuŋo kono.

Jabuuroolu 68:17 ပူးပေါင်းရင်းမြစ်များ

5 Musa 33:2

A ko: “Ka bo naŋ Sinayi Konkoo santo, Yaawe* naata ǹ kaŋ. A wulita ko tiloo, a malata ǹ kaŋ ka bo naŋ Seyiri. A la maloo malamalata naŋ ka bo Parani Konkoo to, a niŋ malaayika wuliwuloolu, dimbaa be ŋalasi la a bulubaa karoo la.

Daniyeli 7:10

Dimbaa ka feenee naŋ a ñaatiliŋo la le. Mennu be a batu kaŋ, ì wuliwuloolu le mu, miliyoŋolu le be looriŋ a ñaatiliŋo la. Kiitiyo datita, aduŋ ì ye kitaaboolu yele.

Lankenemoo 5:11

Wo to le ŋa malaayikoolu jamaa je, ì ye mansasiiraŋo niŋ daafeŋ baluuriŋolu niŋ alifaalu murubeŋ. Ì mu malaayika wuliwuloolu le ti, aniŋ miliyoŋ-miliyoŋolu. Aduŋ ŋa ì la kumakaŋolu moyi le,

Matiyu 26:53

Fo ite ye a miira le ko, nte te m Faamaa daani noo la ka malaayika wuliwuloolu kii n ye naŋ saayiŋ-saayiŋ?

Habakuki 3:8

Yaawe, fo i kamfaata boloŋolu le kamma baŋ? Fo i ye fijoo jii baalu le kaŋ baŋ? I jusoo bota fankaasoo le kamma baŋ, biriŋ i be i la suwoolu kaŋ, aniŋ i la keleraŋ sareetoolu*, ka nooroo ke?

Lankenemoo 9:16

Kelediŋolu mennu mu suuborindilaalu ti, wolu yaatewo mu miliyoŋ keme fula le ti. Nte ye ì yaatewo moyi le.

Jabuuroolu 18:10

A loota kerubu malaayikoo* kaŋ, a tiita. A tiita komeŋ foñoo.

2 Musa 3:5

Alla ko, “Kana kata naŋ kotenke. I la samatoolu bondi, kaatu i be looriŋ dulaa meŋ to, dulaa senuŋo le mu.”

2 Mansoolu 2:11

Ì taatoo, ì be kacaa kaŋ, loodulaa kiliŋ, keleraŋ sareeti* dimbaamaa niŋ suu dimbaamaalu dunta ì teema ka ì fatandi. Bituŋ Eliya taata foño baa kono Arijana.

Jabuuroolu 9:12

Ate meŋ ka moofaa juloo joo, a ka moo toorariŋolu hati le. A buka ñina moolu la kumboo la, ì ka mennu toorandi.

Yesaya 2:2

Luŋ be naa le, Yaawe* Batudulaa Buŋo* be konkoo meŋ kaŋ, wo le be tara la konkoolu bee ye santo la, a jamfoo si tambi konko koteŋolu la. Aduŋ bankoolu bee moolu si jee waliŋ.

Esekiyeli 43:7

A ko n ye le ko: “Hadamadiŋo, ñiŋ dulaa le mu n na mansasiiraŋo aniŋ n siŋ looraŋo ti. M be tara la sabatiriŋ Banisirayila moolu kono jaŋ ne to, ka ì mara fo abadaa. Banisirayilankoolu niŋ ì la mansoolu te n too senuŋo kosondi la kotenke ka bo niŋ ì la jalaŋ batu tuluŋolu la, aniŋ ì ye beroolu mennu loo ì la mansa furewolu ye.

Esekiyeli 43:9

Wo to saayiŋ ì si ì la jalaŋolu niŋ ì ye beroolu mennu loo ì la mansa furewolu ye, bondi m bala, bituŋ n si naa sabati ì kono fo abadaa.