Jabuuroolu 68:16 - Mandinka Bible

¹⁶ Hee Konko, i niŋ i turu jaŋolu, muŋ ne ye a tinna i ka Siyoni* Konkoo fele kiiliyaa kaŋ, Alla lafita daameŋ ye ke a taradulaa ti, Yaawe be tara la daameŋ to fo abadaa?

Jabuuroolu 68:16 ပူးပေါင်းရင်းမြစ်များ

5 Musa 12:5

Yaawe ali la Alla be dulaa le tomboŋ na ali lasili kiliŋ na tundoo kaŋ, a too be tara la daameŋ, jee ye ke a batudulaa ti, ali si jee waliŋ.

Yesaya 2:2

Luŋ be naa le, Yaawe* Batudulaa Buŋo* be konkoo meŋ kaŋ, wo le be tara la konkoolu bee ye santo la, a jamfoo si tambi konko koteŋolu la. Aduŋ bankoolu bee moolu si jee waliŋ.

Jabuuroolu 114:6

Alitolu konko baalu, muŋ ne ye ali sawuŋ-sawundi ko saajiikotoŋolu, aniŋ alitolu konkoriŋolu, ko saajiiriŋolu?

Jabuuroolu 114:4

Konko baalu sawuŋ-sawunta ko saajiikotoŋolu, konkoriŋolu, ko saajiiriŋolu.

1 Mansoolu 9:3

Yaawe ko a ye ko: Ŋa duwaa niŋ balafaa daaniroo moyi le, i ye meŋ ke n ñaatiliŋo la. Ŋa ñiŋ buŋo seneyandi le i ye meŋ loo, kaatu ŋa n too ke a kunna le fo abadaa. N ñaa niŋ n hakiloo be tara la looriŋ jee le waati-wo-waati.

5 Musa 12:11

Bituŋ Yaawe ali la Alla be dulaa kiliŋ ne tomboŋ na, a too be tara la daameŋ to. Ali si sadaalu samba a ye jee to, ŋa ali yaamari mennu la: jani sadaalu niŋ beeyaŋ sadaa koteŋolu, jakoolu, soorifeŋ doolu, aniŋ laahidi timmandiraŋ sadaalu.