Jabuuroolu 68:13 - Mandinka Bible

¹³ Alitolu doolu ye ali faŋolu yeebu kuu saajii koorewolu kono ñaa-wo-ñaa, Banisirayila puraamaa ñarandita kodiforoo le la, a dampaŋolu ñarandita saniforoo la.

Jabuuroolu 68:13 ပူးပေါင်းရင်းမြစ်များ

Jabuuroolu 105:37

Bituŋ a ye Banisirayilankoolu fintindi, ì niŋ sanoo niŋ kodiforo ñaroolu, aduŋ kiliŋ te ì lasiloolu kono meŋ jaatoo korita.

1 Musa 49:14

Isakari, ite be le ko fali sembemaa, ka i laa dunoo koto.

Titus 3:3

Baawo ntolu faŋolu keta nuŋ toolewolu le ti, aniŋ yaamari mutabaloolu, mennu neeneeta ka sila tilindiŋo bula. Balajaatoo la hame jawoolu niŋ niidiyaa kuu siifaa jamaa le ye ǹ joŋyandi, meŋ ye a tinna, ǹ tarata baluuriŋ jawuyaa niŋ kiiliyaa kono. Ì ye ǹ koŋ ne nuŋ, aniŋ ŋà ñoo koŋ.

Luka 15:22

Bari a faamaa ko a la dookuulaalu ye le ko, ‘Ali i tariyaa, ali ye dendika ñiimaa duŋ a la. Ali si konnaa fanaa duŋ a bulukondiŋo to. Ali ye samatoolu fanaa duŋ a siŋolu to.

Luka 15:16

A hameta ka a konoo fandi seewoolu la domoroo la, bari moo maŋ a dii a la.

Jabuuroolu 149:4

Yaawe ka kontaani a la moolu la kuwo la le. A ka horomoo dii fammajiilaalu la le ka bo niŋ nooroo la ì jawoolu kaŋ.

Jabuuroolu 81:6

A naata a fo ko, “Ŋa ali sañoolu dahandi dunoo la, ŋa ali buloolu foñondi sinsiŋ kuliŋ sikoo la.

Jabuuroolu 74:19

Kana i la puraa niyo dii ñiŋ daafeŋ saŋaroolu la, kana ñina i la moo toorariŋolu la fo fawu.

Kiitindirilaalu 5:16

Muŋ ne ye a tinna ali tuta kooma saajii koorewolu to, ka i lamoyi footaŋo la, kantarilaalu ka meŋ fee? Rubeni lasiloo maŋ kambeŋ noo ka taa.

2 Musa 1:14

Ì ye baluwo koleyandi ì ma niŋ dookuu koleŋolu le la. Ì ka birikoolu kosi, ì ka sooñibankoo ñaami, aduŋ ì ka dookuu siifaa jamaa le ke kunkoolu to. Bari Misirankoolu buka balafaa soto ì la dookuu koleŋo la, ì be meŋ ke kaŋ.

1 Korintinkoolu 12:2

Ali ye a loŋ ne ko, biriŋ ali mu Alla lombaloolu ti nuŋ, jalaŋ mumunewolu le ye ali filindi ko ì lafita a la ñaameŋ.

4 Musa 31:27

Buusi feŋolu talaa talaadaa fula ti, talaadaa doo, wo ye ke moolu taa ti mennu ye keloo ke, doo ye ke jamaa moo koteŋolu taa ti.

Yosuwa 10:16

Saayiŋ ñiŋ mansakee luuloo borita, ì taata maabo berehuwo kono meŋ be Makeda saatewo to.

Kiitindirilaalu 5:19

Mansakewolu naata, ì niŋ ì keleta: Kanaani mansoolu ye keloo ke Taanaki le, Mekido jiiborindoolu to, bari ì maŋ kodiforo samba ka bo jee.

2 Mansoolu 7:16

Bituŋ moolu fintita ka taa Aramunkoolu la daakaa feŋolu bee taa, aduŋ fariñoo kilo saba daa keta kodiforo kuntu kiliŋ ne ti, aniŋ baali siimaŋ kesoo kilo wooro daa keta kodiforo kuntu kiliŋ ne ti, komeŋ Yaawe ye a fo ñaameŋ.

Yesaya 33:23

Bari ǹ jawoolu la kuluŋo juloo maŋ bambaŋ, a dokoolu ka jiijaa le, aduŋ a foño mutaraŋ faanoo maŋ fanu. Wo to, ñapinkaŋ feŋ jamaa be talaŋ-talaŋ na le, lanjuurutoolu faŋolu ye doo soto jee.