Jabuuroolu 68:12 - Mandinka Bible

¹² “Mansoolu be bori kaŋ ne, ì niŋ ì la kelediŋ kafoolu be bori kaŋ ne!” Musoolu be buusi feŋolu talaa kaŋ suu le.

Jabuuroolu 68:12 ပူးပေါင်းရင်းမြစ်များ

Yosuwa 10:16

Saayiŋ ñiŋ mansakee luuloo borita, ì taata maabo berehuwo kono meŋ be Makeda saatewo to.

Kiitindirilaalu 5:19

Mansakewolu naata, ì niŋ ì keleta: Kanaani mansoolu ye keloo ke Taanaki le, Mekido jiiborindoolu to, bari ì maŋ kodiforo samba ka bo jee.

1 Samuweli 30:24

Ali ye meŋ fo, moo niŋ ali te beŋ na wo la. Moo meŋ tuta kooma, ka bakaasoolu kanta, aniŋ moo meŋ taata keledulaa to, wolu la talaaroo ñanta kaañaŋ na le. Ì bee ñanta talaari kiliŋo le soto la.”

Lankenemoo 6:15

Wo to le duniyaa mansoolu, kantiyolu niŋ kelejawaroolu, fankamaalu niŋ sembetiyolu, ì bee borita ka maabo berehuwolu kono, aniŋ konko bere baalu kono taariŋ. Moolu bee borita, fo joŋolu le mu, waraŋ foroolu.

Kiitindirilaalu 5:30

“Ì be tara la talaaroo le la feŋolu la, ì ye mennu soto keledulaa: Kee-wo-kee, musu kiliŋ waraŋ musu fula, bayi ñiimaalu, wolu ye ke Sisera taa ti, soobayoolu, soobayi fula ye tara minindiŋ moo-wo-moo kaŋo la, mennu sotota keledulaa.”

Yosuwa 10:42

Ñiŋ mansoolu niŋ ì la bankoolu bee, Yosuwa ye ì noo a la wulinkamma kiliŋ dammaa le la, kaatu Yaawe Banisirayila la Alla le ye keloo ke Banisirayilankoolu ye.

4 Musa 31:54

Musa niŋ Piriisi Eleyasa ye ñiŋ sanoo muta wuli kiliŋ kafoo ñaatonkoolu niŋ keme kafoo ñaatonkoolu bulu, ì ye a samba naŋ Bendulaa Tiriliisi Senuŋo to, ka ke hakilibulandiraŋo ti Banisirayilankoolu ye Yaawe ñaatiliŋo la.

4 Musa 31:27

Buusi feŋolu talaa talaadaa fula ti, talaadaa doo, wo ye ke moolu taa ti mennu ye keloo ke, doo ye ke jamaa moo koteŋolu taa ti.

2 Musa 14:25

A ye ì la keleraŋ sareetoolu siŋolu lanjuurundi fo taamoo kana sooneeyaa ì bulu. Misirankoolu ko, “Yaawe le ka keloo ke Banisirayilankoolu ye ntolu kaŋ. Ali ŋà bori ì la.”