Jabuuroolu 68:10 - Mandinka Bible

¹⁰ I la moolu ye jee ke ì siidulaa ti le. Hee Alla, i la beteyaa kaŋ, i ye diiroo ke fentaŋolu la le.

Jabuuroolu 68:10 ပူးပေါင်းရင်းမြစ်များ

Jabuuroolu 74:19

Kana i la puraa niyo dii ñiŋ daafeŋ saŋaroolu la, kana ñina i la moo toorariŋolu la fo fawu.

Matiyu 11:5

Finkintewolu ñaalu yeleta, namatoolu taamata, balajawutoolu kendeyaata, tulu sukiriŋolu ye moyiroo ke, furewolu wulita, aniŋ kibaari betoo kawandita fuwaaroolu ye.

1 Pita 5:3

Ali kana ali la maramoolu mara niŋ maraliñaa koleŋo la, bari ali faŋolu si ke misaaloo ti ñiŋ koorewo ye.

Luka 1:53

A ye konkotoolu fandi niŋ feŋ betoolu la, bari a ye fankamaalu murundi, ì bulu kenseŋ.

Jabuuroolu 78:20

Tooñaa le mu, a ye beroo lipa le jiyo fintita, jiyo borita komeŋ woyoo, bari fo a si mbuuroo fanaa dii noo ntolu la baŋ, a la moolu, waraŋ ka suboo dii ǹ na?”

Jabuuroolu 65:9

I ka kaayaa bankoo ye le ka samaajiyo jindi a kaŋ, i ka a yiriwandi kendeke le. Ite Alla la jiibuŋo be faariŋ ne tep. Ite le ka siimaŋolu falindi bankoo kaŋ, i ye a kuwo laa wo le ñaama.

1 Samuweli 2:8

A ka fuwaaroolu bondi naŋ suntukuŋo to le, aduŋ a ka fentaŋolu dahandi. A ka ì niŋ mansariŋolu sindi, aduŋ ì ka ke le ko, niŋ ì ye mansa la horomoo le keetaa. Duniyaa la fondamaŋolu keta Yaawe le taa ti, wolu kaŋ a ye duniyaa daa.

5 Musa 26:5

Bituŋ sadaatiyo* si naa ñiŋ kumakaŋolu fo Yaawe ñaatiliŋo la ko, “M bonsuŋo mu nuŋ Aramunka yaayilaa le ti, a ye a la dimbaayaa samba Misira bankoo kaŋ ka sabati jee tumarankewo ti. Ì moo dantaŋ doroŋ ne mu nuŋ biriŋ ì be taa jee, bari ì naata ke moo jamaa baa ti, ì ye semboo soto.

4 Musa 16:3

Ì benta Musa niŋ Haaruna kamma, ì ko ì ye ko, “Ali ye landatamboo le ke! Ñiŋ jamaa moo bee mu moo senuŋo le ti, moo bee, aduŋ Yaawe* be ì fee le. Muŋ ne ye a tinna alitolu ye ali faŋ selendi Yaawe la moolu kaŋ santo?”

1 Mansoolu 8:36

Bituŋ i si i lamoyi ka bo Arijana kono, aduŋ i si yamfa i la dookuulaalu la junuboo la, i la moolu Banisirayilankoolu. I si ì karandi ka taama kuu kendoo la, aduŋ i si sanjoo jindi naŋ bankoo kaŋ i ye meŋ dii i la moolu la ka ke ì la keetaafeŋo ti.

Jabuuroolu 65:10

I ka samaajiyo kupindi bankoo kaŋ ne ka baliŋolu denkundi. I ka bankoo montondi samaajii wisiwisoolu le la ka fiifeŋolu barakandi.

Jabuuroolu 65:11

I la beteyaa kaŋ, i ka bankoo tibandi siimaŋ katiriŋolu le la. I la sareeti siloolu kaŋ ka tara burunturiŋ bankoo neemafeŋolu le la.

Yesaya 40:29

A ka semboo dii moo bataariŋolu la le, aduŋ a ka lamfuriŋolu bambandi.