Jabuuroolu 68:1 - Mandinka Bible

¹ Allamaa Alla ye wuli, a ye a jawoolu janjandi. Allamaa a konnantewolu ye i bori a ñaato.

Jabuuroolu 68:1 ပူးပေါင်းရင်းမြစ်များ

4 Musa 10:35

Niŋ Kambeŋ Kunewo wututa waati-wo-waati, Musa si a fo ko, “Hee Yaawe, wuli! I jawoolu janjandi. I konnantewolu ye bori i ñaato.”

Jabuuroolu 44:26

Wuli, i ye naa m̀ maakoyi! Ǹ kiisa i la kanu bambaloo kamma la.

Jabuuroolu 89:10

I ye daafeŋo Rahabu toñonka le ka a kasaara. I ye i jawoolu janjandi le ka bo niŋ i semboo la.

Yesaya 33:3

I sari kaŋo ka a tinna le moolu ye bori, niŋ i wulita i sembe baa la, bankoolu bee ka janjaŋ ne.

2 Taarika 6:41

“Yaawe Alla, saayiŋ wuli, i ye duŋ i la sabatidulaa to, i niŋ i la Kambeŋ Kunewo, i semboo taamanseeroo. Yaawe, kiisoo dendikamaa ye tara dundiŋ i la piriisoolu* la, i la moo senuŋolu ye seewoo i la beteyaa kamma la.

Jabuuroolu 68:30

Ñiŋ bantala banku* jawoolu jarabi. Ñiŋ daafeŋolu mennu be sabatiriŋ seyiŋolu kono, ñiŋ tuuraalu mennu be ninsiriŋ sembentaŋolu kono. Mennu ka ǹ kaniŋ naamoo la, ì dori duuma. Banku moolu janjandi mennu ka kontaani keloo la.

Jabuuroolu 68:14

Tuma meŋ Alla Tallaa ye mansoolu janjandi bankoo kaŋ, a ka munta niŋ komboo feeneeta Salimoni Konkoo kaŋ.

Jabuuroolu 59:11

Dukaree Alla, kana ì bee faa ñoo la, niŋ wo nte n na moolu si ñina. Ì janjandi i semboo la, i ye ì boyindi, kooni Maariyo, ǹ na tankandirilaa.

Jabuuroolu 21:8

I buloo be laa la i jawoolu bee kaŋ ne. I bulu sembemaa be laa la moolu kaŋ ne mennu ye i koŋ.

5 Musa 7:10

Bari moo-wo-moo meŋ ye a koŋ, a ka wo joo kasaaroo le la. A buka tonkutonku ka moo jarabi meŋ ye a koŋ.

2 Musa 20:5

Ali kana sujudi ì ye, waraŋ ka ì batu, kaatu nte Yaawe i la Alla kiiliyaata le. N ka dindiŋolu jarabi ì la alifaalu la junuboo la le, ka taa fo ì la jamaani sabanjaŋo niŋ naaninjaŋo moolu, mennu ye n koŋ.

Daniyeli 2:35

Bituŋ newo, potoo, jaawaloo, kodiforoo, aniŋ sanoo bee teyita ka janjaŋ ñoo la, ì keta ko ŋañaa meŋ ka tu siimaŋ toñonkadulaa to, katiri koolaa. Foñoo ye a bee le samba, hani a noo maŋ tu jee. Bari beroo meŋ boyita a kaŋ, a naata ke konko baa le ti, aduŋ a ye duniyaa bee le beŋ.

Esekiyeli 5:2

Niŋ luŋo meŋ na Yerusalaamu saatee sukoo kumfaata, i si wo kuntiñoolu talaadaa doo landi wo birikoo kaŋ, Yerusalaamu be nuuneeriŋ meŋ kaŋ, i ye a jani. I si talaadaa doo sepuŋ-sepuŋ hawusaroo* la, i ye a janjaŋ wo birikoo dandaŋo bee la. I ye talaadaa doo fayi santo ka janjaŋ foñoo kono. Nte faŋo le be hawusaroo buusi la a laa kono, ka bula ì nooma.