Jabuuroolu 66:7 - Mandinka Bible

⁷ A la sembe waroo kaŋ, ate le be tu la maraloo la fo abadaa. A ka tara bantala bankoolu* koroosi kaŋ ne, wo to balannaalu kana i loo ate fee. S

Jabuuroolu 66:7 ပူးပေါင်းရင်းမြစ်များ

Jabuuroolu 11:4

Yaawe be a taradulaa senuŋo to le, a ka a la mansabaayaa taamandi le ka bo Arijana kono, a ñaa be kuwo bee le la, aduŋ a ka hadamadiŋolu bee le koroosi.

Matiyu 28:18

Yeesu naata ì kaŋ, a diyaamuta ì ye ko, “Kaŋo bee diita nte le la, duniyaa niŋ Arijana.

Daniyeli 4:35

Duniyaa moolu bee buka muluŋ a ñaa koto feŋ ti. A la lafoo mu meŋ ti, a ka wo le ke malaayikoolu kono santo, aniŋ hadamadiŋolu kono duuma. Moo te a la keroo baayi noo la, waraŋ ka a ñininkaa a kekuwo la.

Jabuuroolu 140:8

Hee Yaawe, kana moo kuruŋolu lafinna kuwo ke ì ye, kana soŋ ì ye ñaatotaa soto ì la feere jawoolu to, niŋ wo nte, ì si ì sañoolu wulindi. S

Jabuuroolu 33:13

Yaawe ka duuma juubee naŋ ne, ka bo naŋ Arijana kono, aduŋ a ka hadamadiŋolu bee le je.

2 Taarika 16:9

Yaawe ñaa ka tara looriŋ duniyaa bee kaŋ ne, ka moolu bambandi mennu ye ì faŋ dii a la ì sondomoo bee la. Ite ye meŋ ke, wo mu tooleeyaa le ti. Ka bo saayiŋ na, ite be tara la keloo le kono.”

Matiyu 6:13

Aduŋ kana ǹ dundi marisa kuwo kono, bari i si m̀ bondi Seetaani* bulu. Kaatu ite le taa mu mansabaayaa ti, semboo aniŋ waroo fo abadaa. Amiin.

Jabuuroolu 62:11

Alla diyaamuta seneyaarinke le. Ŋa ñiŋ ne moyi n tulu fuloo la ko, semboo mu ite Alla le taa ti,

Yuuba 9:4

Alla le mu sembetiyo ti, aniŋ ñaameŋo. Jumaa le nene ka balaŋ a ma, a ye a maarii wati?

2 Musa 18:11

Saayiŋ ŋa a loŋ ne ko, Yaawe le semboo warata alloolu bee ti, kaatu a ye ñiŋ ke moolu le la, mennu ye ì faŋ wara Banisirayilankoolu ti, ka ì mantoora.”

Jabuuroolu 145:13

I la maraloo be tu la le fo abadaa, i la noo ye tu jamaanoolu bee la. Yaawe ka tu tilindiŋ a la laahidoolu kaŋ ne, a ka balafaa yitandi a la keroolu bee to.

Jabuuroolu 75:6

Waroo buka bo moo ye naŋ tiliboo la waraŋ tilijiyo la, sako ka bo a ye keñewuloo* kono.

Daniyeli 4:34

Kabiriŋ sanji woorowuloo tambita, nte Nebukanesa naata n ñaalu wulindi ka santo juubee, bituŋ n sondomoo seyita a ñaama. Ŋa Alla Mansa Tallaa tentu, ŋa horomoo niŋ buuñaa dii a la, ate meŋ na noo te baŋ na. A la noo le be tu la fo abadaa, aduŋ a la mansabaayaa be tu la jamaanoolu bee le la.