Jabuuroolu 66:12 - Mandinka Bible

¹² I ye ǹ jawoolu niŋ ì la suwoolu bula le ka bori ǹ kuŋolu kaŋ. M̀ bulata dimbaa niŋ waamoo le kono, bari saayiŋ i ye ǹ samba naŋ dulaa neemariŋo le to.

Jabuuroolu 66:12 ပူးပေါင်းရင်းမြစ်များ

Yesaya 51:23

M be a dii la i toorandilaalu le la, mennu ka a fo i ye nuŋ ko, ‘Boyi duuma fo ǹ si taama i kaŋ.’ I ye i laa ì ye bankoo to le, i mulunta ì ye ko mbeedoo, ì ka tara taama la i kaŋ.”

Yankuba 5:11

Moolu mennu wakiilita, ǹ ka wolu le je barakariŋ. Ali ye Yuuba la kuwo moyi le, a keta muñalaa ti ñaameŋ. Aduŋ ali ye Maariyo la balafaa niŋ hiinoo je kuwolu to le, a ye mennu ke Yuuba ye labaŋo la.

Kiilaalu 14:22

Ì ye Yeesu noomalankoolu bambandi niŋ yaamaroo la ko, ì si tenteŋ lannoo kono. Aduŋ ì ko ì ye ko, “Ǹ ñanta toora kuu jamaa le taki la ka duŋ Alla la mansabaayaa kono.”

Yuuba 36:16

Ate le ye i bondi niitooroo kono, a ye i samba dulaa kekuuriŋo to, niifitii te daameŋ. Domori diimaalu tarata fatafatariŋ i la taabuloo kaŋ.

Jabuuroolu 33:19

A ka ì tanka kerekere saayaa ma le, aduŋ a ka ì balundi le, konkoo waatoo la.

Luka 16:25

Bari Iburayima ko a ye le ko, ‘N diŋo, i hakiloo bulandi ko, i la baluwo tumoo la, i ye feŋ betoolu bee soto le, aduŋ Lasarus ye feŋ jawoolu le soto. Bari saayiŋ, a sabarindita jaŋ ne, ite be tooroo kono.

2 Samuweli 15:17

Kabiriŋ mansa niŋ a la kewolu be finti kaŋ, ì loota saatewo buŋ labaŋo le to.

Yuuba 5:19

Ate le be i tanka la maasiiba kuwo ma waatoo bee la, kataa kuu te boyi la i kaŋ fereŋ.

Daniyeli 3:26

Wo le to Nebukanesa taata fuuri dimbaa wuleŋo daa maafaŋo la, a ye ì toolu kumandi santo, a ko, “Sadiraki, Mesaki, aniŋ Abedineko! Alla Mansa Tallaa la dookuulaalu, ali finti, ali ye naa jaŋ.” Bituŋ ì fintita naŋ dimbaa kono.