Jabuuroolu 65:9 - Mandinka Bible

⁹ I ka kaayaa bankoo ye le ka samaajiyo jindi a kaŋ, i ka a yiriwandi kendeke le. Ite Alla la jiibuŋo be faariŋ ne tep. Ite le ka siimaŋolu falindi bankoo kaŋ, i ye a kuwo laa wo le ñaama.

Jabuuroolu 65:9 ပူးပေါင်းရင်းမြစ်များ

Jabuuroolu 46:4

Baa be jee le meŋ ka woyi, ka kontaanoo samba naŋ Alla la saatewo ye, daameŋ to mu Alla Mansa Tallaa faŋo taradulaa senuŋo ti.

Lankenemoo 22:1

Bituŋ malaayikoo ye boloŋo yitandi n na, meŋ jiyo ka baluwo dii. A be faramansariŋ ne ko weeri foroo. A naata ka bo Alla niŋ Saajiiriŋo la mansasiiraŋo koto.

Yeremiya 5:24

Ì buka ñiŋ miira ì sondomoolu kono ko, ‘M̀ batu ŋà sila Yaawe ǹ na Alla la, ate meŋ ka samaajiyo dii a waatoo la, samaa foloo jiyo, samaa labaŋ jiyo, ka katiri sanjaanoolu jikoo dii ǹ na.’ ”

Ruti 1:6

Kabiriŋ a ye a moyi Mowabi bankoo kaŋ ko Yaawe* la deemaaroo naata a la moolu kaŋ ne domori kuwo la karoo la, bituŋ a niŋ a bitammusoolu pareeta ka muru suwo kono, ka bo Mowabi bankoo kaŋ.

1 Musa 26:12

Isiyaaka ye fiiroo ke bankoo ñiŋ kaŋ, aduŋ a naata a siidulaa keme nankamoo kati wo saŋ kiliŋo la. Yaawe le neemata a ma.

Kiilaalu 14:17

Bari hani wo, a ka yita le ko ate be keriŋ ne, kaatu a ka tu kuu betoolu ke la ali ye le. A ka samaajiyo dii ali la, a ka ke ali ka katiroo ke a waatoo la, a ka ali daañini, aniŋ ka ali sondomoolu fandi niŋ seewoo la.”

Yeremiya 14:22

Banku koteŋ moolu la jalaŋ kenseŋ jumaa le si samaajiyo ke noo? Waraŋ fo saŋ fatoolu si jiyo ke noo ì faŋ ye baŋ? Fo a maŋ ke ite Yaawe, ǹ na Alla le ti? Ŋà ǹ jikoo loo ite le kaŋ, kaatu ite le ka ñiŋ kuwolu bee ke.”

Jabuuroolu 147:14

A ka kayiroo sabatindi i la naanewolu to le, aduŋ a ka i daañini siimaŋ kese kendoolu le la.

Jabuuroolu 107:37

Ì ka kunkoolu fii le, ì ye wayini* yiri kankaŋolu tutu, aduŋ ì ka tinee baa le soto.

Jabuuroolu 65:11

I la beteyaa kaŋ, i ka bankoo tibandi siimaŋ katiriŋolu le la. I la sareeti siloolu kaŋ ka tara burunturiŋ bankoo neemafeŋolu le la.

3 Musa 26:4

m be kali samaajiyo dii la ali la a waatoo la le. Bankoo ye neema ka fiifeŋolu bondi, bankoo yiroolu ye neema, ka diŋ a ñaama.

Jabuuroolu 63:1

Hee Alla, ite le mu n na Alla ti, i la kuwo ye n loo le, i la kuwo ye m muta le ko mindoo, m balajaatoo bee le ye i la kuwo kaniŋ. A ka munta le ko ñiŋ banku jaaroo, jii te daameŋ to, fo bataa.

Yesaya 41:5

Banku jamfariŋolu moolu ye a je le, aduŋ ì silata le. Duniyaa daŋo to moolu ka jarajara. Ì bee benta ñoo kaŋ.

Daniyeli 4:2

A mu m fee kuu kende le ti ka a saata ali ye Alla Mansa Tallaa ye taamanseeri kaawakuuyaariŋolu mennu ke, ŋa ì je.

Malaki 1:11

Nte too be warariŋ bankoolu kaŋ ne, ka bo tilibo ka taa tilijii, aduŋ daa-wo-daa seerandi feŋolu le ka siisindi n tooyaa la jee, aniŋ sadaa kendoolu, kaatu n too warata bankoolu kaŋ ne.” Yaawe Alihawaa Maariyo le ye a fo.