Jabuuroolu 65:11 - Mandinka Bible

¹¹ I la beteyaa kaŋ, i ka bankoo tibandi siimaŋ katiriŋolu le la. I la sareeti siloolu kaŋ ka tara burunturiŋ bankoo neemafeŋolu le la.

Jabuuroolu 65:11 ပူးပေါင်းရင်းမြစ်များ

Jabuuroolu 103:4

A ye n tanka kaburoo ma, aduŋ a ka tu kanu bambaloo niŋ balafaa le yitandi n na.

Jabuuroolu 5:12

Kaatu Yaawe, i ka moo tilindiŋolu barakandi le, i ka ì muuri i la neemoo la, ka ke ì ye tankoo ti.

Jabuuroolu 36:8

Ì ka baluu domori fuumariŋo le la, i ka meŋ dii ka bo i taradulaa to. I la beteyaa baajiimaa le ka woyi, moolu ka i miŋ a la.

Hakayi 2:19

Fo siimaŋ kese le tuta buntuŋ kono baŋ? Fo hani saayiŋ sooto suŋolu, wayini yiroolu, roomaani* yiroolu, aniŋ olifu* yiroolu ka diŋ ne baŋ? “Ka bo ñiŋ luŋo la, m be neema la ali ma le.”

Kuma Kotoomaalu 14:18

Moo sooneeyaariŋ baa ka kuntaŋyaa le keetaa, bari hakilimaa ka ke londitiyo le ti.

Malaki 3:10

Ali jakoolu bee samba naŋ maabodulaa buŋo to, fo n na buŋo kono si domoroo soto. Ali i yaaka nte la ali ye a juubee, fo nte Yaawe Alihawaa Maariyo te Arijana palanteeroolu yele la ali ye, ŋa neema baa jindi naŋ ali kaŋ.

Yoweli 2:14

Jumaa le ye a loŋ? A si ke noo, Yaawe ye a hakiloo faliŋ, a si balafaa soto noo ali ye, a ye neema ali ma siimaŋ jamaa la. Bituŋ ali si siimaŋ sadaa* niŋ miŋ feŋ sadaalu bo noo ali la Alla ye kotenke.

Jabuuroolu 25:10

Yaawe ka kuwo bee taamandi tiliŋo niŋ kanu bambaloo le kono moolu ye mennu ka a la kambeŋo muta, aniŋ a la yaamaroolu.

Jabuuroolu 104:3

I ye i la sabatidulaa loo jiyolu le kaŋ, mennu be saŋ fatoolu ye santo la. I ka tawaloolu le ke i la keleraŋ sareetoolu* ti, aduŋ i la taamaraŋo mu foñoo le ti, i ka tii a fee ko kunoo niŋ a dampaŋo.

Roomankoolu 11:17

Bari niŋ olifu* yiroo buloo doolu kuntuta, aduŋ ite meŋ keta nuŋ buloo ti wulakono yiroo bala, i naata sunkuru wolu noo to ka ñiŋ olifu yiroo nafaa soto,

Yuuba 36:28

Tawaloolu ye naa jiyo jindi naŋ, ì ye a jindi naŋ hadamadiŋo bee ye.

5 Musa 11:12

Yaawe ali la Alla faŋo le ka wo bankoo topatoo, aduŋ a faŋo le ka jee kanta, ka bo saŋo datidulaa fo a labandulaa to.

Yuuba 5:10

Ate le ka jiyo jindi bankoo kaŋ, ate le ka kunkoolu jiiboŋ.

Jabuuroolu 68:10

I la moolu ye jee ke ì siidulaa ti le. Hee Alla, i la beteyaa kaŋ, i ye diiroo ke fentaŋolu la le.

Jabuuroolu 104:13

I ka samaajiyo jindi konkoolu kaŋ ne ka bo i sabatidulaa to saŋo santo, ka duniyaa fandi i la neemafeŋolu la.