Jabuuroolu 64:8 - Mandinka Bible

⁸ Ì neŋolu le be ì takindi la Alla la, ì ye kasaara, aduŋ moolu mennu bee ye ì je, si ì kuŋo jiijaa.

Jabuuroolu 64:8 ပူးပေါင်းရင်းမြစ်များ

Kuma Kotoomaalu 18:7

Toolewo diyaamuñaa le ka a kasaara, aduŋ a neŋo le mu a faŋo ye kutindiŋo ti.

Kuma Kotoomaalu 12:13

Moo kuruŋo la junube kumafoo le ka a duŋ bataa kono, bari moo tilindiŋo ka kana mantoora kuwo ma le.

Jabuuroolu 140:9

Moolu mennu ye m murubeŋ, ì daalu ka mantooroo meŋ saabu, a ye kupi ì faŋolu kuŋo kaŋ.

Luka 19:22

Wo to le mansa ko wo dookuulaa ye ko, ‘Ite dookuulaa nafantaŋo! M be i kiitindi la i faŋo la kumoolu le la. Ite ye a loŋ ne ko, nte mu kee saŋarariŋo le ti. Ite ye a loŋ ne, n ka n tinee feŋolu le la, m maŋ mennu dookuu, aduŋ n ka katiroo ke dulaa to le, m maŋ fiiroo ke daameŋ.

Matiyu 21:41

Ì ko a ye ko, “A be wo kuu kuruŋ kelaalu faa la faañaa jawoo le la. Bituŋ a ye a la wayini yiri kankaŋo luwaasi moo doolu ma, mennu be a niyo dii la a la a waatoo la.”

Nahumu 3:7

Moo-wo-moo ñaa boyita i kaŋ, a si bori i la, a ye a fo ko, ‘Ninewe kasaarata le fokabaŋ, jumaa le bala be faa la a ye?’ Moo be bo noo la miŋ, meŋ be a sabarindi la?”

Yeremiya 48:27

Fo Banisirayila maŋ ke ite Mowabi ye jelefeŋo ti nuŋ? Fo ì ye a niŋ suŋolu le muta ñoo la baŋ, a ye a tinna i ka i kuŋo jiijaa, niŋ i be a la kumoo fo la daa-wo-daa?

Yeremiya 18:16

Ì ye ì la bankoo kenseŋyandi le, ka ke jutunna feŋo ti fo abadaa. Niŋ moo-wo-moo tambita jee la a kijoo ka bo le, a ye a kuŋo jiijaa.

Jabuuroolu 31:11

N keta n jawoolu bee ye jelefeŋo le ti, hani n siiñoolu le faŋo taa jawuyaata, aduŋ n keta n lombaalu tanoo le ti. Niŋ moolu ye n je siloo kaŋ, ì ka bori n na le.

Jabuuroolu 22:7

Moo-wo-moo ye n je a ka n ñaawali le. Ì ka ì neŋolu le bondi n ye, ka ì kuŋolu jiijaa, ì ka a fo ko,

Yuuba 15:6

I faŋo fokumoolu le ye i boyindi, nte te. I faŋo daa le ye i duŋ.

Lankenemoo 18:10

Ì te haañi la ka sutiyaa a la, kaatu a la yankankatoo be ì sila la le. Ì be a fo la le ko: “Kooroo, kooroo be ite saatee baa ye, ite saatee sembemaa baa, Babiloni. I la kiitiyo naata ì kaŋ waati kiliŋ.”

Lankenemoo 18:4

Bituŋ ŋa kumakaŋ doo moyi ka bo naŋ saŋo santo. A ko: “N na moolu, ali finti naŋ a kono, fo ali daa kana tara a la junuboolu to, aniŋ ali kana ke niisotolaa ti a la mantooroolu to.

Jabuuroolu 59:12

Junube kumoolu le ka tara ì daalu kono. Ì daakumoolu mu junuboo le ti. Allamaa ì la faŋ waroo ye ke ì ye kutindiŋo ti, a ye ì muta. Ì la dankaroolu niŋ ì la faniyaalu kamma la,

Jabuuroolu 52:6

Moo tilindiŋolu si ñiŋ je, ì ye masilaŋ, aduŋ i la kuwo si ì jele, ì ye a fo ko,

Jabuuroolu 9:3

N jawoolu ka muru ì koo la le. Ì ka taki le ì ye kasaara i ñaatiliŋo la.

4 Musa 16:34

Ì la wuuroo ye a tinna Banisirayilankoolu mennu bee be ì daala borita. Ì kumata ko, “Bankoo be ntolu fanaa kunuŋ na le!”

Jabuuroolu 144:6

I la saŋ ŋalasoo ŋalasindi, i ye i jawoolu janjandi. I la kalabeñoolu fayi, i ye ì kidindi.