Jabuuroolu 64:5 - Mandinka Bible

⁵ Ì ka ñoo saayindi kuu jawu kewo la le, ì ka kuma ñoo ye le ì be ì la kutindiŋolu kullootoo laa la ñaameŋ. Ì ka a fo ì faŋ ma le ko, “Jumaa le si ǹ je noo?”

Jabuuroolu 64:5 ပူးပေါင်းရင်းမြစ်များ

Jabuuroolu 140:5

Faŋ waralaalu ye kutindiŋolu le laa n kamma, ì ye jaloolu laa n kamma, ì ye wereŋolu laa sila jenjeŋo la. S

Jabuuroolu 10:11

A ka ñiŋ ne fo a faŋ ma ko, “Alla daa te n na kuu to. A ye a ñaa kaasi n na le. A nene te n je la.”

Esekiyeli 8:12

Wo to le a ko n ye ko, “Hadamadiŋo, i ye a je le Banisirayila alifaalu be meŋ ke kaŋ kulloo kono baŋ? Ì bee ye jalaŋolu le soto ì la buŋolu kono. Ì ka ñiŋ ne fo ko, ‘Yaawe buka ǹ je, kaatu a ye a daa bondi ǹ na bankoo la kuwo to le.’ ”

Jabuuroolu 94:7

aduŋ ì ka a fo le ko, “Yaawe te a loŋ na, Yaakuba koomalankoolu la Alla te a kalamuta la.”

Jabuuroolu 59:7

A juubee, ì daa ka kumakaŋolu mennu feenee. Ì daakumoo ka munta le ko muroo, aduŋ ì ka a fo le ko, “Jumaa le be m̀ moyi noo la?”

Yuuba 22:13

Fo wo le ye a tinna baŋ i kumata ko, “Alla ye muŋ ne loŋ? A si kiitindiroo noo ñaadii le minaayi dibiŋolu kono,

Yesaya 41:6

Ì ka ñoo wakiilindi le, doo ka a fo doo ye ko, “I faŋ bambandi.”

Jabuuroolu 124:7

Ǹ kanata le komeŋ niŋ kunoo bota deemalaa la kaliŋo daa. Kaliŋo kuntuta le, bituŋ ǹ kanata.

4 Musa 22:6

Naa i ye ñiŋ moolu danka n ye, kaatu ì semboo warabaata n ti le. Niŋ i ye ì danka, m be ì noo la le, ŋa ì bayi bankoo kaŋ. Nte ŋa a loŋ ne ko, i ye neemoo daani moo-wo-moo ye, wo be neemoo soto la le, aduŋ i ye moo-wo-moo danka, wo be danka la le.”

2 Musa 15:9

“I jawoolu ye daa wara kumoolu fo ko, ‘M̀ be ì bayindi la, aduŋ m̀ be ì tarandi la le. M̀ be ì la naafuloo talaa la le, meŋ diyaata ǹ ye, m̀ be wo le taa la. M̀ be ǹ na hawusaroo* saba la, m̀ be ì bee kasaara la le.’

Lankenemoo 11:10

Moolu mennu be sabatiriŋ duniyaa kono taariŋ, wolu be seewoo la ì la saayaa kamma la le, ì be feetoo ke la, aduŋ ì be soorifeŋolu dii la ñoo la. Ì be seewoo la le saayiŋ, kaatu ñiŋ annabiyomu fuloo la kuwo ye ì toorandi le nuŋ.

Matiyu 23:15

Kooroo be alitolu Luwaa karammoolu niŋ Farisewolu ye, alitolu bunaafayoolu! Ali ka baa teyi le ka bankoo muumee bee yaayi, fo ali si hani moo kiliŋ dundi noo ali la diinoo kono. Aduŋ niŋ wo maarii sonta ali ma, ali ka ate ke Jahannaba diŋo le ti siiñaa fula ka tambi ali faŋolu la Jahannaba diŋyaa la.

1 Musa 20:13

Kabiriŋ Alla ye n wulindi ka bajonki ka bo m faamaa yaa, n ko a ye ko, ‘I si i la kanoo yitandi n na, m̀ futata daa-wo-daa, niŋ i be n na kumoo fo la, i si a fo ko, nte mu i baarinkewo le ti.’ ”

Kiitindirilaalu 20:22

Banisirayilankoolu taata, ì kumboota Yaawe ñaatiliŋo la fo wulaaroo. Bituŋ ì naata Yaawe ñininkaa ko, “Fo ǹ si taa noo kotenke baŋ ka m̀ baadiŋ Benjamini lasiloo moolu kele?” Yaawe ko ì ye ko, “Ali taa, ali ye ì kele.” Banisirayilankoolu naata fatiyaa. Bituŋ ì ye ì la keledulaalu muta wo dulaa kiliŋo to kotenke, ì ye a parendi nuŋ daameŋ tili foloo.