Jabuuroolu 63:9 - Mandinka Bible

⁹ Bari moolu mennu lafita m faa la, wolu le be kasaara la, ì ye taa kaburoo kono.

Jabuuroolu 63:9 ပူးပေါင်းရင်းမြစ်များ

Jabuuroolu 55:15

Allamaa n jawoolu ye kere kati, Allamaa ì ye kende saareŋ ka taa laakira. Kaatu kuu jawoo le be ì la taradulaalu kono, aniŋ ì sondomoolu kono.

Jabuuroolu 40:14

Allamaa moolu ye malu mennu be a kata kaŋ ka m faa. Allamaa ì muumewo ye piwu. Mennu be lafiriŋ n na mantooroo la, Allamaa ì ye muru ì koo la, ì ye malu.

Jabuuroolu 9:17

Moo kuruŋolu be taa kaburoo kono le, banku koteŋ moolu mennu bee ñinata Alla la.

Jabuuroolu 86:13

Kaatu i ye i la kanu bambaloo yitandi nte la baake le. I ye n niyo tankandi le, n sutiyaata saayaa la ñaa-wo-ñaa.

1 Samuweli 25:29

Moo-wo-moo ye i bayindi, aduŋ a lafita i faa la, Yaawe i la Alla be i tanka la le, ko hadamadiŋo ka feŋ betoo kanta ñaameŋ. Yaawe la karoo la, i jawoolu la baluwo te nafaa soto la, aduŋ ì be ke la le ko beroolu, ì ka mennu fayi kampuraŋo la.

Yesaya 14:19

Bari ite wo, i maŋ baadee muumeeke, ko ì ye yiribuloo meŋ fayi. Hawusaroo* ye mennu faa, i niŋ wolu le be ñoo kaŋ. Ì ye i niŋ wolu fayi bere dinka baa le kono, ì ye i doriŋ-doriŋ.

Yesaya 14:15

Bari ì be i samba la kaburoo dinka jaŋ baa le kono.

Yesaya 14:9

Kaburu dinkoo maamanta ka i benduŋ, Laakirankoolu wulita ka i kontoŋ. Mennu keta duniyaa ñaatonkoolu ti, mennu keta mansoolu ti bankoolu kaŋ, ì bee wulita ì la mansasiiraŋolu kaŋ.

Jabuuroolu 70:2

Allamaa moolu ye malu mennu be a kata kaŋ ka m faa. Allamaa ì ye piwu. Mennu be lafiriŋ n na mantooroo la, Allamaa ì ye muru ì koo la, ì ye malu.

Jabuuroolu 55:23

Ite Alla le be wo moofaalaalu niŋ neeneerilaalu ñori la kaburoo duuma, janniŋ ì be ì siyo talantewo baluu la. Bari nte de, ŋa n jikoo loo ite le kaŋ.

Jabuuroolu 38:12

Moolu mennu ka n niyo ñini, ye ì la kutindiŋolu laa n kamma le, mennu ka n na mantooroo ñini, ka kasaaroo le fo m ma. Ì ka tu feeroolu le siti la n kamma.

Jabuuroolu 35:26

Allamaa mennu ka jele n na kooroo la, ì bee ye bula maloo kono, ì ye piwu. Allamaa mennu ka ì faŋ wara n ti, maloo niŋ jutunnayaa ye feenee ì kaŋ.

Jabuuroolu 35:4

Allamaa mennu bee ka a kata ka m faa, ì ye bula maloo niŋ jutunnayaa kono. Allamaa mennu ka kuu jawoo siti n kamma, ì ye muru ì koo la, ì ye piwu.

Yuuba 40:13

Ì bee baadee ñoo la bankoo kono, i ye ì maabo laakira.

Kiilaalu 1:25

Wo maarii si a noo taa ñiŋ dookuwo kono ka ke kiilaa ti, Yudas ye meŋ bula ka taa dulaa to, a ñanta taa la daameŋ.”

1 Samuweli 28:19

Yaawe be ite niŋ Banisirayilankoolu bee duŋ na Filisitinkoolu bulu le, aduŋ saama ite niŋ i dinkewolu niŋ m be tara la dulaa kiliŋ ne. Yaawe be Banisirayilankoolu la kelediŋ kafoo fanaa duŋ na Filisitinkoolu bulu le.”

Jabuuroolu 18:36

M be siloo meŋ kaŋ, i ye a fanundi n ye fo n siŋo kana taki.

Suukuwo 8:5

Jumaa le ka naa teŋ, ka bo naŋ keñewuloo* kono, a be minindiŋ a jusukuŋo la? Musoo ko: Pomu suŋo koto, ŋa i kuniŋ jee le, i tiŋo ye i baamaa maa wo le to, i baamaa meŋ ye i wuluu, be nuŋ tiŋo to jee le.