Jabuuroolu 62:3 - Mandinka Bible

³ Janniŋ muŋ tuma le mu ali be tu la boyi la moo kaŋ, ali bee ye a boyindi ko tata sansaŋ laamaariŋo, sansaŋo meŋ be cojiriŋ?

Jabuuroolu 62:3 ပူးပေါင်းရင်းမြစ်များ

Jabuuroolu 125:1

Moolu mennu ye ì jikoo loo Yaawe* kaŋ ka munta le ko, Siyoni* Konkoo meŋ te jiijaa noo la, a be tu la looriŋ ne fo abadaa.

Jabuuroolu 140:2

Ì ka kuu jawoolu le feere ì hakiloo kono, aduŋ ì ka tu keloo le kurukuru la.

Jabuuroolu 16:8

N hakiloo ka tu ñiŋ kaŋ ne ko, Yaawe be m fee le waati-wo-waati. A ka tara n daala le, wo kamma la feŋ te m bondi la n noo to.

Jabuuroolu 18:3

Ŋa Yaawe daani, meŋ jarita ka jayi, aduŋ n tankata n jawoolu ma.

Jabuuroolu 21:11

Hani niŋ i jawoolu tafawuta i kamma, ì te ñaatotaa soto la ì la feere jawoolu to.

Jabuuroolu 38:12

Moolu mennu ka n niyo ñini, ye ì la kutindiŋolu laa n kamma le, mennu ka n na mantooroo ñini, ka kasaaroo le fo m ma. Ì ka tu feeroolu le siti la n kamma.

Jabuuroolu 4:2

Janniŋ muŋ tuma le mu, alitolu moolu be tu la nte la horoma kuwo ke la n ye maloo ti, ka filibanteeyaa kanu, aniŋ ka bula faniyaa nooma? S

Jabuuroolu 82:2

“Janniŋ muŋ tuma le ali be tu la kiitii tilimbaloo ke la, ka laa moo kuruŋolu kaŋ? S

2 Musa 10:3

Wo to le Musa niŋ Haaruna taata Firawoona yaa, ì ko a ye ko, “Yaawe Hiburunkoolu* la Alla ye ñiŋ ne fo ko: I be i fammajii la n ye waati jumaa le? N na moolu bula ì ye taa, fo ì si m batu.

2 Musa 16:28

Bituŋ Yaawe ko Musa ye ko, “Ali be balaŋ na, ka n na yaamaroolu muta fo waati jumaa le?

Kuma Kotoomaalu 1:22

“Janniŋ waati jumaa le, alitolu moo sooneeyaariŋ baalu be lafi la sooneeyaa la? Janniŋ waati jumaa le, alitolu ñaawalilaalu be tu la ali la ñaawaliroo la, aniŋ alitolu toolewolu be londoo koŋ na?

Kuma Kotoomaalu 6:9

Ite katakolentewo, i be tu la laariŋ jee fo waati jumaa le? Muŋ tuma le i be wuli la siinoo la?

Yeremiya 4:14

Muna Yerusalaamu, i sondomoo seneyandi kuu jawoo to, fo i si kiisa. Janniŋ muŋ tuma le kuu kuruŋo be tu la sosoriŋ i kono?

Hoseya 7:15

“Nte le ye ì kuluu, ŋa ì bambandi, bari ì ka kuu kuruŋo le feere n kamma.

Matiyu 17:17

Bituŋ Yeesu ye jaabiroo ke ko, “Alitolu jamaani lannabaloo, jamaani jenkeriŋo! Nte ñanta tara la ali fee fo waati jumaa le la? Nte ñanta muña la ali ye fo waati jumaa le la? A samba n ye naŋ jaŋ.”

Kiilaalu 24:9

Aduŋ Yahuudoolu fanaa ye ñiŋ tuumiroo tooñaayandi le.

1 Samuweli 26:10

A ko, “A be koyiriŋ ñaameŋ ko Yaawe be baluuriŋ ne, Yaawe faŋo le be a faa la. A la waatoo le be sii la, a ye faa, waraŋ a ye taa keloo la, a ye kasaara jee.