Jabuuroolu 61:7 - Mandinka Bible

⁷ Hee Alla, Allamaa a la maraloo noo ye tu i ñaa koto fo fawu. Kaayaa a ye, ka i la kanu bambaloo niŋ i la tiliŋo yitandi a la.

Jabuuroolu 61:7 ပူးပေါင်းရင်းမြစ်များ

Jabuuroolu 40:11

Yaawe, kana balaŋ ka i la balafaa yitandi n na. I la tiliŋo niŋ kanu bambaloo ye tara m fee, ka n tanka fo abadaa.

1 Musa 24:27

A ko, “Tentoo be Yaawe ye, m maarii Iburayima la Alla, meŋ maŋ i dahaa a la kanu bambaloo aniŋ tiliŋo yitandi la m maarii la. Yaawe le ye n kenkeŋ ka taa m maarii Iburayima baadiŋolu la buŋo to.”

Jabuuroolu 57:3

A be n jaabi la le ka tankoo jindi n ye naŋ. A be moolu malundi la le mennu ka mantooroo laa n kaŋ. S Alla be a la kanu bambaloo niŋ tiliŋo yitandi la n na le.

Jabuuroolu 41:12

I ye i buloo duŋ n koto le, n na sootaaribaliyaa kaŋ, aduŋ i ye n sabatindi i fee le fo fawu.

Hiburunkoolu 9:24

Kaatu Kiristu dunta Dulaa Senuŋ Baa meŋ to, wo maŋ dadaa hadamadiŋo buloo la. Wo Dulaa Senuŋ doo mu ñiŋ tooñaa faŋo le misaaloo ti. Kiristu taata Arijana faŋo le kono, saayiŋ a be looriŋ Alla ñaatiliŋo la ntolu ye jee.

Luka 1:33

A be Yaakuba la lasiloo mara la le fo abadaa, a la mansayaa te dandulaa soto la.”

Mika 7:20

I be hiina la ǹ ye le, ka i la kanu bambandiŋo yitandi ǹ na, ko i kalita a la ñaameŋ m̀ mumuñolu ye, Iburayima niŋ Yaakuba, m̀ bonsuŋolu, biriŋ waati jaŋ koomanto.

Kuma Kotoomaalu 20:28

Tiliŋo niŋ tooñaa le ka mansa tankandi, aduŋ tiliŋo le ka a la mansayaa bambandi.

Jabuuroolu 43:3

I la maloo niŋ i la tooñaa yitandi n na, ka tambi n ñaato, ì ye n samba i la konko senuŋo* to, i sabatidulaa be daameŋ.

1 Musa 32:10

Nte maŋ jari, i ye kanu bambaloo niŋ tiliŋo meŋ yitandi n na, i la dookuulaa. N niŋ n na taamaraŋ dokoo doroŋ ne ye ñiŋ Yoridani Boloŋo teyi, bari saayiŋ a fele, n keta kafu fula ti.

2 Samuweli 7:26

i si a je, i too si tu warariŋ fo abadaa. Bituŋ moolu si a fo ko, ‘Yaawe Alihawaa Maariyo, le mu Banisirayilankoolu la Alla ti.’ Aduŋ i la dookuulaa Dawuda la buŋo, ite le be a bambandi la.

Jabuuroolu 21:5

A ye horoma baa soto le ka bo niŋ i la maakoyiroo la ka a jawoolu noo. I ye horomoo niŋ mansayaa semboo dii a la le.