Jabuuroolu 60:7 - Mandinka Bible

⁷ Kileyadi tundoo mu n taa le ti, Manase fanaa mu n taa le ti. N na kelejawaroolu be bo la Efurayimu* le kono, n na mansoolu ye bo Yahuuda kono.

Jabuuroolu 60:7 ပူးပေါင်းရင်းမြစ်များ

1 Musa 49:10

Yahuuda niŋ mansayaa te fata la ñoo ma, a koomalankoolu be tu la maraloo la le, fo janniŋ maralilaa kuntiyo faŋo be naa la, meŋ, duniyaa moolu la buuñaa be tara la a ye.

5 Musa 33:17

A diŋ foloo be kallankeeyaariŋ, a semboo be ko ninsituuraa semboo, Efurayimu* niŋ Manase koomalankoolu, ì wuliwuloolu be bankoolu ñori la niŋ ñiŋ semboo le la fo duniyaa dandulaa to.”

Yosuwa 13:31

aniŋ Kileyadi talanteemoo, aniŋ Asitaroti niŋ Edireyi saatewolu mennu be Basani la maroo to, meŋ mu Oki la mansamarali bankoo ti. Ñiŋ dulaa mu Makiri koomalankoolu le taa ti, Manase dinkewo. Makiri koomalanka talanteemoo le taa mu, ka bo kaabiila ka taa kaabiila.

1 Taarika 12:37

Rubeni, Kadu aniŋ Manase lasili talanteemoo la kelediŋolu, mennu be Yoridani Boloŋo kara doo la mu kelediŋ wuli keme, wuli muwaŋ ne ti, mennu bee niŋ ì la kelejooraŋolu.

1 Taarika 12:19

Manase lasiloo kelediŋ doolu le naata ka kafu Dawuda ma, kabiriŋ a niŋ Filisitinkoolu be taa kaŋ ka Mansa Sawulu boyinkaŋ. A maŋ Filisitinkoolu maakoyi, kaatu ì la mansoolu maŋ haañi a la, a kana bo ì koto ka ì dii Sawulu la. Wo to le ì ko Dawuda ye muruŋ Sikilaki saatewo to.

Yosuwa 17:1

Ñiŋ ne mu bankoo ti, meŋ sotota alikuuroo* la Manase lasiloo moolu ye, kaatu ì bota Yusufa dinkee foloo le bala. Makiri koomalankoolu, wolu le ye Kileyadi tundoo taa nuŋ fokabaŋ, aniŋ Basani tundoo, kaatu itolu le mu kelejawaroolu ti. Makiri le mu Manase dinkee foloo ti, aniŋ Kileyadi faamaa.

1 Samuweli 28:2

Dawuda ko, “Bituŋ i be a je la i faŋo ye le, i la dookuulaa si meŋ ke noo.” Akisi ye a jaabi ko, “A beteyaata baake le, m be i ke la m faŋo kantalaa le ti i la baluwo bee kono.”

Jabuuroolu 108:7

Alla ye ñiŋ ne laahidi a la seneyaa kaŋ ko: “N na nooroo kaŋ, ka bo tilibo la, m be Sekemu saatewo talaŋ-talaŋ na le, ka bo tilijii la, ŋa Sukoti Wulumbaŋo niilaa.