Jabuuroolu 60:5 - Mandinka Bible

⁵ Ǹ na duwaa jaabi, ǹ kiisa i ye ǹ deemaa ka bo niŋ i bulubaa buloo la, ñiŋ kamma la i la kanu moolu si tanka.

Jabuuroolu 60:5 ပူးပေါင်းရင်းမြစ်များ

Jabuuroolu 17:7

I la kanu bambaloo la kaawakuuyaa yitandi n na, ite Kiisandirilaa, meŋ ka moolu kiisa, mennu ka tankoo ñini i bulu ì jawoolu ma.

Yesaya 41:10

Wo to ali kana sila, kaatu m be ali fee le. Ali kana dewuŋ, kaatu nte le mu ali la Alla ti. M be ali bambandi la le, ka ali maakoyi. M be ali muta la niŋ m bulubaa bulu tilindiŋo le la, ka ali tanka.

Jabuuroolu 18:35

I ye i la tankoo koteeroo dii n na, aduŋ i bulubaa buloo le ka m balundi. I la maakoyiroo ye n kummaayandi.

2 Musa 15:6

Hee, Yaawe, i bulubaa buloo la sembe waroo! Hee, Yaawe! I bulubaa buloo la semboo le ye i jawoolu bee kasaara.

Matiyu 17:5

A be diyaamu kaŋ doroŋ, minaayi koyiriŋo fer ye ì muuri. Kumakaŋo naata bo wo minaayoo kono ko, “Ñiŋ ne mu n Kanu Dinkewo ti, n jusoo laata meŋ na kuwo la baake. Ali i lamoyi a la.”

Jabuuroolu 74:11

Muŋ ne ye a tinna i ye i maakoyiri buloo bo ǹ koto? Dukaree Alla, i bulu sembemaa bula naŋ i ye ǹ jawoolu kasaara.

Jabuuroolu 60:12

Niŋ ite Alla be m̀ fee, m̀ be nooroo ke la le. Ite le be ǹ jawoolu dori la duuma.

Matiyu 3:17

Bituŋ kumakaŋo naata bo saŋo santo ko, “Ñiŋ ne mu n Kanu Dinkewo ti, n jusoo laata meŋ na kuwo la baake.”

Yeremiya 11:15

A ko: “Ñiŋ moolu mennu mu n na kanu moolu ti, ì maŋ kaŋ soto kotenke ka tara m Batudulaa Buŋo* kono, kaatu ì ye kuu kuruŋ jamaa le ke. Fo ì ye a miira ka laahidi n ye, aniŋ ì la beeyaŋ sadaalu* suboo, wolu le be ì la kasaaroo baayi la? Niŋ ì ye ì la kuu kuruŋolu ke fokabaŋ, ì ka naa seewoo.

Jabuuroolu 127:2

Nafaa te a la, i ka wuli juuna, i ka mee i ñaa la, ka tara i la daañiniŋo ñini la bataa kono. Alla le ka wo dii a kanuntewolu la, hani niŋ ì be siinoo la.

Jabuuroolu 22:8

“A ye a faŋ karafa Yaawe* le ma, batu a ye a kiisa. Batu a ye a tankandi, bayiri a la kuwo ye a kontaani le.”

Jabuuroolu 20:6

Silaŋ ŋa a loŋ ne ko, Yaawe be a la tomboŋ mansa maakoyi la le. A be a jaabi la le ka bo a la Arijana senuŋo kono, ka a jawoolu noo a ye baake, ka bo niŋ a sembe baa la.

5 Musa 33:12

A ko Benjamini lasiloo la kuwo to ko, “Benjamini lasiloo, alitolu le mu Yaawe kanuntewo ti. Ali tarata a koto tankoo kono, a ye ali sansaŋ tankoo la waatoo bee, a ye ali duŋ a daboo koto.”

5 Musa 33:3

Tooñaa-tooñaa, Yaawe ye a la moolu kanu le, a la moo senuŋolu bee be a buloo le kono, ì be siiriŋ a siŋolu koto, ka yaamaroo soto a bulu.

Jabuuroolu 71:20

I ye bataa baa niŋ mantooroo laa n kaŋ ne, bari i be muru la le i ye m bambandi, ka m bondi saayaa daa to, i ye m murundi baluwo to kotenke.

Jabuuroolu 75:9

Bari nte de, m be tu la a kankulaa la le, Alla ye meŋ ke. M be suukuwo laa la le ka Yaakuba la Alla jayi.

Yesaya 51:17

Wuli! Wuli! Hee Yerusalaamu, i ñaa yele! I ye i miŋ Yaawe la kamfaa mindaŋo le la, i ye mindaŋ faa bee miŋ ne, fo i ka timili-tamali.