Jabuuroolu 60:2 - Mandinka Bible

² I ye ñiŋ bankoo jarajarandi le, i ye a fara. A faroolu dadaa, kaatu a be kasaara kaŋ ne.

Jabuuroolu 60:2 ပူးပေါင်းရင်းမြစ်များ

2 Taarika 7:14

Bari niŋ n na moolu, mennu kumandita n tooyaa la, ye ì faŋ jii, ì duwaata ka n ñini, aduŋ ì ye i bo ì la sila kuruŋolu to, wo to le m be ì la duwaa moyi la Arijana kono, ŋa yamfa ì la junuboolu la, ŋa ì la bankoo jaara.

Hoseya 6:1

Moolu ko, “Ali naa, ŋà muru Yaawe* kaŋ, ate le ye ǹ dimindi, a be ǹ jaara la le. Ate le ye m̀ barama, a be ǹ kendeyandi la le.

Yesaya 30:26

Niŋ Yaawe be a la moolu la baramoo jaara la, ka bataariŋolu la dimiŋolu jaara, karoo si mala ko tiloo. Tiloo la maloo si lafaa ko siiñaa woorowula ko tili woorowula kemperiŋo maloo.

Esekiyeli 34:16

“M be wo saajii filiriŋolu ñini la le, aduŋ mennu janjanta, m be ì murundi la naŋ ne. M be ì la baramoolu siti la le aniŋ ka ì lamfuriŋolu maakoyi. Bari wo nunkumaalu niŋ bambandiŋolu, m be wolu kasaara la le, kaatu m be ì daañini la tiliŋo le kono, bayiri ì jarita meŋ na, i be wo le soto la.”

Yeremiya 48:38

Mowabi buŋ santo teruriŋolu* bee kaŋ, aniŋ saatee bantabaalu to, feŋ te jee, niŋ a maŋ ke kumboo ti. Kaatu ŋa Mowabi teyi le, ko daandiŋ teyiriŋo, moo buka meŋ hati.” Yaawe le ye a fo.

Yeremiya 10:10

Bari ite Yaawe le mu Alla tooñaa ti, ite le mu Alla baluuriŋo niŋ badaa-badaa Mansoo ti. I la kamfaa ka bankoo jarajarandi le, bankoolu buka i la jusukandoo dunoo taa noo.

Yeremiya 4:24

Ŋa konko baalu juubee le, ŋa a je ì be jarajara kaŋ, konkoolu bee be jiijaa kaŋ.

Yesaya 5:25

Wo le ye a tinna Yaawe kamfaata a la moolu kamma, a ye a buloo wulindi ka ì mantoora. Konkoolu jiijaata, moo furewolu keta ko fayifeŋolu, mbeedoolu kaŋ. Ñiŋ bee koolaa, a la kamfaa maŋ jii, a buloo be teekariŋ ne ka ì mantoora.

Jabuuroolu 18:7

Bankoo jarajarata, konkoolu fondamaŋolu jiijaata. Ì maamanta le, kaatu a kamfaata le.

Matiyu 27:51

Wo loo niŋ baroo teema, ridi baa meŋ tarata Alla Batudulaa Buŋo kono, a farata teema ka bo santo ka naa fo duuma. Banku jarajaroo keta, aniŋ bere konkoo farata.

Habakuki 3:10

Biriŋ konkoolu ñaa boyita i kaŋ, ì jarajarata le, jii jamaa bonta naŋ duuma. Fankaasoo bumbunta, a ye jiibaliŋo moolondi santo.

Amosi 8:8

Ñiŋ baara jawoolu kamma la, duniyaa si jarajara, duniyaa moolu bee ye woosii. Bankoo bee si jarajara, a si jiijaa ko Nayili baajiyo ka ke ñaameŋ meŋ be Misira.”

Yeremiya 30:17

M be ali murundi la jaatikendeyaa to le, ŋa ali la dimiŋolu jaara.” Yaawe le ye a fo. “Kaatu ì ka ali wulubayi le ka a fo ko, Siyoni* moolu le mu, moo daa te mennu la kuu to.”

Yeremiya 14:17

Yaawe ko: “Ñiŋ kumoo fo ì ye ko: N ñaa be faa la ñaajiyo la le, suuto tili, meŋ te dandulaa soto la, n na kanu dimmusuriŋo, n na moolu la kuwo kamma la, barama jawoo meŋ keta ì la, aniŋ busari baa.

Jabuuroolu 114:7

Bankoo, jarajara Maariyo ñaatiliŋo la, Yaakuba la Alla.

Yuuba 9:6

Ate le si a noo, a ye bankoo jarajarandi. Samasiŋolu mennu ye a muta, bee ye jiijaa.

Yesaya 7:8

A ko: “Aramunkoolu semboo mu ì la saatee baa Damasiku doroŋ ne ti, aduŋ Damasiku semboo mu ì la ñaatonkoo Resini dammaa le ti. Efurayimu la karoo la, sanji taŋ wooro niŋ luulu ñaato, a bee be kasaara la le, a moolu ye janjaŋ.

Jabuuroolu 104:32

Niŋ a ye bankoo juubee, bankoo ka jarajara le. Niŋ a ye konkoolu maa, ì ka siisii le.

Jabuuroolu 89:40

I ye a la saatewo sansaŋolu bee le teyi, i ye a la tatoolu ke tumbuŋo ti.

Yuuba 5:18

Ate le ka dimoo ke, a ye a jaara. Ate le ka baramoo ke, a ye a kendeyandi.

Niikuyaa Suukuwolu 2:13

N Dimmusuriŋ Yerusalaamu, n kanuntewo, n si muŋ ne fo noo i ye, ka i la kuwo misaali? Ite Dimmusuriŋ Siyoni, n si i la kuwo niŋ muŋ ne laa ka i sabarindi? I la baramoo diinonta le ko fankaasoo, jumaa le si i jaara noo?

2 Samuweli 22:8

Bankoo jarajarata, saŋo biliyolu fondamaŋolu jiijaata. Ì maamanta le, kaatu a kamfaata le.

2 Musa 15:11

“Hee Yaawe! Jumaa le be alloolu kono, mennu niŋ ite mulunta? Jumaa le mulunta ko ite, i la mansayaa senuŋo, i la sembe waroo, i la kaawakuwolu?

2 Samuweli 8:1

Ñiŋ kuwolu koolaa Dawuda ye Filisitinkoolu boyinkaŋ ne, a ye ì noo keloo la, bituŋ a naata a la bankoo taa ì bulu.

1 Taarika 18:3

Dawuda ye Mansa Hadadesa kele, meŋ ka Soba saatewo mara, Hamati tundoo maafaŋo la. Wo tumoo Hadadesa be siloo kaŋ ka taa Yufurati Boloŋo maafaŋo la, ka taa jee kele, ka tara a la maroo to.

1 Taarika 18:5

Kabiriŋ Aramunkoolu mennu bota Damasiku, naata ka Mansa Hadadesa maakoyi, Dawuda ye kee wuli muwaŋ niŋ fula le faa ì kono.

1 Taarika 18:12

Abisayi, Seruya dinkewo, ye Edomunka moo wuli taŋ niŋ seyi le faa Koo Wulumbaŋo kono.