Jabuuroolu 6:8 - Mandinka Bible

⁸ Ali bo m bala, alitolu mennu bee ka kuu jawoo ke, kaatu Yaawe ye n kumboo kaŋo moyi le.

Jabuuroolu 6:8 ပူးပေါင်းရင်းမြစ်များ

Luka 13:27

Bari a be a fo la ali ye le ko, ‘Nte maŋ ali loŋ, sako ali bota daameŋ! Ali bo m bala, alitolu kuu kuruŋ kelaalu bee.’

Jabuuroolu 145:18

Yaawe be sutiyaariŋ moolu la le mennu ka a kumandi, mennu ka a kumandi sondome seneyaa kono.

Jabuuroolu 119:115

Alitolu kuu jawu kelaalu, ali bo m bala, fo n si n na Alla la yaamaroolu muta noo.

Matiyu 7:23

Bari m be a koyindi la ì la le ko, ‘Nte nene maŋ ali loŋ. Ali bo m bala, alitolu kuu jawu kelaalu.’

Jabuuroolu 3:4

Ŋa n kaŋo sikandi le ka woosii Yaawe ye, aduŋ a ye n jaabi le ka bo a la konko senuŋo* to. S

Hiburunkoolu 5:7

Biriŋ Yeesu be sabatiriŋ duniyaa kono jaŋ ko hadamadiŋo, a ye duwaalu niŋ daaniroolu ke ka bo niŋ kumboo baa niŋ ñaajiyolu la Alla ye, meŋ si a tankandi noo saayaa ma. Aduŋ Alla ye a moyi a la a ñaasilaŋo le kamma la.

Matiyu 25:41

“Bituŋ a si naa a fo a maraalankoolu fanaa ye ko, ‘Ali bo nte bala, alitolu mennu dankata. Ali duŋ badaa-badaa dimbaa kono, meŋ parendita Ibiliisa niŋ a la dookuulaalu ye.

Jabuuroolu 139:19

Hee Alla, n diinoo niŋ n sawoo, i ye moo kuruŋolu faa, aniŋ ka moofaalaalu bayi m bala.

Yesaya 30:19

Hee Siyoninkoolu*, alitolu mennu be sabatiriŋ Yerusalaamu, ali te kumboo la kotenke. Niŋ ali kumboota maakoyiroo la, a be hiinoo yitandi la ali la a ñaama le. Niŋ a ye a moyi doroŋ, a be ali jaabi la le.

Jabuuroolu 116:8

Ite Yaawe le ye n niyo tanka saayaa ma, i ye n ñaa tanka ñaajii boŋo ma, i ye n siŋo tanka takoo ma.

Yesaya 38:5

“Taa i ye a fo Hesekiya ye, nte Yaawe, a bonsuŋ Dawuda la Alla ko, ŋa a la duwaa moyi le, aduŋ ŋa a ñaajiyo je le. Saayiŋ, m be sanji taŋ niŋ luulu le lafaa la a siyo kaŋ.

Yesaya 38:3

“M Maarii Yaawe, ŋa i daani i si ñiŋ juubee ko, n taamata i ñaa koto tiliŋo le la, aniŋ sondome seneyaa, aduŋ m baarata kuwolu le la mennu beteyaata i fee.” Bituŋ a kumboota kendeke.

Jabuuroolu 56:8

Ite ye nte la yamali-yamaloo bee kalamuta le, i ye n na ñaajii boŋo hapoo loŋ. Fo a bee maŋ tara safeeriŋ i la kitaaboo kono baŋ?

Yuuba 17:7

Niitooroo ye n ñaalu dibindi, m baloo keta ko koloma jaaroo.

Jabuuroolu 31:10

Kaatu n na baluwo keta niitooroo le ti, aniŋ sikisikoo doroŋ, m baluu saŋolu bee la. N na ŋayiboo ye a tinna le n semboo banta. N kuloolu faŋo korita le.

Niikuyaa Suukuwolu 3:56

Saayiŋ i ye n na duwaa moyi le, biriŋ n ko, “N deemaa, kana i tuloo faa m ma!”