Jabuuroolu 6:6 - Mandinka Bible

⁶ N korita ŋuntaŋo la le. Ŋa n na laaraŋo ke woyoo le ti, n ñaajiyo la. Ŋa n na kullaaraŋo ñikindi, suutoo bee.

Jabuuroolu 6:6 ပူးပေါင်းရင်းမြစ်များ

Jabuuroolu 69:3

N korita wuuroo la le, fo n kaŋ konotoo jaata, n ñaalu dibita m ma kut, feŋ te fo n ka n na Alla la maakoyiroo meŋ batu.

Jabuuroolu 42:3

N ka kumboo le suutoo niŋ tiloo, aduŋ n ñaajiyo doroŋ ne mu n na domoroo ti. N jawoolu ka tu la a fo la n ye le ko, “I la Alla lee?”

Jabuuroolu 38:9

Maariyo, m be ñaaniriŋ kuu-wo-kuu la, i ye a loŋ ne. N na ŋuntaŋo maŋ tara i ye kumpa to.

Niikuyaa Suukuwolu 2:11

Labaŋo la, n ñaa korita kumboo la, n niyo dewunta n kono, niikuyaa faata n kono fo a ka boŋ, ì ye n na saatee moolu kasaara ñaameŋ, dindiŋolu niŋ deenaanoolu ka ketu ñaameŋ, saatewo mbeedoolu kaŋ taariŋ.

Niikuyaa Suukuwolu 1:16

“Nte wo! Kuwo meŋ laata n kaŋ, n ñaajiyo be woyi la doroŋ, sabarindilaa te n na, meŋ si n jikoo bambandi. N diŋolu kenseŋo le tuta, kaatu n jawoolu ye i kutu n na le.”

Niikuyaa Suukuwolu 1:2

Badaa-badaa suuto kumboo, ñaajiyo ka bori a ñaasiŋo la. A kanuntewolu bee kono, a maŋ sabarindilaa kiliŋ soto, a teeroolu bee ye jamfaa tiliŋ a la, ì keta a jawoo ti.

Yuuba 23:2

Hani bii nte la balaŋo be bambandiŋ m bulu le. M be ŋuntaŋ kaŋ ñaa-wo-ñaa, Alla le be n jarabi kaŋ.

Yuuba 16:20

N teeroolu ye n tooñee, n ñaajiitoo ye n ñaa tiliŋ Alla la ka m maakoyi.

Yuuba 7:3

Ka kari-wo-kari tambindi kenseŋ, wo le keta nte niyo ti. Suuto-wo-suuto n ka a bee tambindi bataa le kono.

Luka 7:38

A loota Yeesu siŋolu daala. A kumboota, a ye Yeesu siŋolu sinandi niŋ a ñaajiyo la. Bituŋ a ye Yeesu siŋolu fita niŋ a kuntiñoo la. A ye ì sumbu, aniŋ a ye karabaanijiyo maa ì la.

Yeremiya 14:17

Yaawe ko: “Ñiŋ kumoo fo ì ye ko: N ñaa be faa la ñaajiyo la le, suuto tili, meŋ te dandulaa soto la, n na kanu dimmusuriŋo, n na moolu la kuwo kamma la, barama jawoo meŋ keta ì la, aniŋ busari baa.

Jabuuroolu 88:9

Niikuyaa ye a tinna le n ñaalu dibita. Hee Yaawe, luŋ-wo-luŋ n ka i kumandi le. N ka m buloolu wulindi i ye le ka duwaa.

Jabuuroolu 39:12

“Hee Yaawe, n na duwaa moyi, i ye i lamoyi n na kumboo la, kana i ñaa kaasi n na ñaajii boŋo la, kaatu nte be i ye baluwo to le ko tumarankewo, m mu luntaŋ tambilaa le ti ko m mumuñolu.

Yuuba 10:1

N ñewunta n na baluwo faŋo le la. Wo kamma la, n te n deyi la n na bataa kuwo saatoo la. Meŋ ye a tinna n na baluwo be kuniyaa la m bulu, a ñanta finti la le.

Jabuuroolu 30:10

Hee Yaawe, i lamoyi n na, i ye balafaa n ye. Yaawe, ke m maakoyilaa ti.”

Jabuuroolu 88:11

Fo i la kanu bambaloo ka kankulaa kaburoo kono le baŋ, sako i la tiliŋo si fo wo kasaara dinkiraa kono?

Jabuuroolu 115:17

Furewolu buka Yaawe jayi noo, mennu be deyiriŋ tek saayaa kono.

Yesaya 38:18

Moolu mennu be kaburoo kono, te i jayi la noo, moo te i tentu noo la saayaa kono, kaburukononkoolu te ì jikoo loo noo la i la tiliŋo kaŋ.