Jabuuroolu 6:4 - Mandinka Bible

⁴ Sabari Yaawe, n niyo tankandi. N kiisandi i la kanu bambaloo kamma la.

Jabuuroolu 6:4 ပူးပေါင်းရင်းမြစ်များ

Daniyeli 9:18

M Maarii Alla, dukaree i lamoyi ǹ na. Kasaara kuwo juubee, meŋ laata ǹ kaŋ, aniŋ i la saatewo, i too be meŋ kunna. A maŋ ke ko, ntolu tilinta le, wo le ye a tinna n duwaata ka i daani, bari i ye balafaa baa meŋ soto, wo le ye a tinna.

Jabuuroolu 17:13

Yaawe, wuli i ye ì kuntuntee, ka ì busandi. N niyo tanka moo kuruŋolu ma, ka bo niŋ i la hawusaroo* la.

Malaki 3:7

Yaawe Alihawaa Maariyo ye ñiŋ ne fo ko, “Ko ali la alifaa foloolu keta ñaameŋ, ali keta wo le ñaama, ali ye ali ñaa kaasi n na yaamaroolu la le, aduŋ ali maŋ ì nooma. Ali muru naŋ n kaŋ, m fanaa si muru ali kaŋ! “Bari ali ye ñiŋ ne fo ko, ‘M̀ be muru la i kaŋ ñaadii?’

Jabuuroolu 121:7

Yaawe be i tankandi la kuu jawoo bee ma le, a be i niyo kanta la le.

Jabuuroolu 116:4

Bituŋ ŋa Yaawe too kumandi, ka a fo ko, “Hee Yaawe, ŋa i daani, n niyo tankandi.”

Jabuuroolu 90:13

Hee Yaawe*, i la kamfaa be baŋ na muŋ tuma le? I kooma fele, i ye balafaa ǹ ye, ntolu mu i la dookuulaalu le ti.

Jabuuroolu 80:14

Hee Alla Alihawaa Maariyo, muru ǹ kaŋ! Duuma juubee ka bo Arijana kono, i ye a je. Ñiŋ yiroo topatoo,

Jabuuroolu 22:20

N niyo tanka n jawoolu la hawusaroo* ma. N niyo tanka ñiŋ wulu saŋaroolu ma, ŋa nii kiliŋo meŋ soto.

Efesusinkoolu 1:6

fo ǹ si a jayi a la hiinoo la meŋ kallankeeyaata*, a ye meŋ dii ǹ na ka bo niŋ a Kanu Dinkewo la.

Yesaya 38:17

Tooñaa, ka dimiŋ baa ñiŋ muña, keta n ye kendeyaa le ti. I ye i la kanoo yitandi n na le, ka n tankandi kasaaroo dinkoo ma. I ye n na junuboolu bee fayi i kooma le.

Jabuuroolu 120:2

“Yaawe, n tankandi faniyaa folaalu ma, aniŋ neeneerilaalu.”

Jabuuroolu 116:8

Ite Yaawe le ye n niyo tanka saayaa ma, i ye n ñaa tanka ñaajii boŋo ma, i ye n siŋo tanka takoo ma.

Jabuuroolu 86:13

Kaatu i ye i la kanu bambaloo yitandi nte la baake le. I ye n niyo tankandi le, n sutiyaata saayaa la ñaa-wo-ñaa.

Jabuuroolu 69:13

Hee Yaawe, nte de, n na duwaa be looriŋ ite le kaŋ. Hee Alla, n na duwaa jaabi waatoo la, i faŋo ye meŋ londi. N jaabi i la kanu bambaloo la waroo la. N jaabi niŋ i la tankandiri koyoo la.

Jabuuroolu 25:7

Kana i miira tawunteeyaa junuboolu la, ŋa mennu ke n na fondinkeeyaa waatoo kono. Hee Yaawe, i miira n na i la kanu bambaloo kamma la, aniŋ i la beteyaa.

Jabuuroolu 13:2

Janniŋ muŋ tuma le m be tu la muñariŋ niikuyaa kono, n jusoo ye tara faariŋ sunoo la suutoo niŋ tiloo? Janniŋ muŋ tuma le n jawoolu be tara la i kutu la n na?

Jabuuroolu 74:10

Hee Alla, janniŋ muŋ tuma le ǹ jawoolu be tara la i ñaawali la? Fo ì be tu la i neŋ na le baŋ fo fawu?

Jabuuroolu 79:5

Hee Yaawe*, janniŋ muŋ tuma le mu? Fo i be tu la kamfaariŋ m̀ fee le fo abadaa? Fo ǹ na kuwo diminnaa be tu la i kono le ko dimbaa?