Jabuuroolu 59:3 - Mandinka Bible

³ A juubee, ì be bitiriŋ n kamma le, ka m faa. Moo saŋaroolu le ye feeroo siti n kamma. Bari Yaawe*, a maŋ ke ko m boyita le waraŋ ŋa junuboo le ke.

Jabuuroolu 59:3 ပူးပေါင်းရင်းမြစ်များ

Jabuuroolu 56:6

Ì ka kafu ñoo ma le, ì ye biti, ka n kekuwolu bee koroosi. Ì ka tara n niyo le nooma.

Jabuuroolu 69:4

Moolu mennu ye n koŋ, daliila te a la, ì yaatewo le siyaata hani n kuntiña kesoolu ti. N jawoolu ka faniyaa le fo m ma, ì semboo warata le, aduŋ ì lafita le ka m faa. Ì ka n joorindi feŋolu le la m maŋ mennu nakari.

1 Samuweli 24:11

M faamaa, a juubee, ŋa i la dendika kunturiŋo meŋ muta! N si i faa noo le, bari ŋa ñiŋ dammaa le kuntu. Ñiŋ ñanta a yitandi la le ko, m maŋ ke moo kuruŋo ti, aduŋ m maŋ lafi ka balaŋ i ma. I ka m bayindi le, fo i si m faa, aduŋ m maŋ feŋ-wo-feŋ ke i la.

Kuma Kotoomaalu 12:6

Moo kuruŋolu la diyaamoo ka moofaa le saabu, bari moo tilindiŋolu la kumoolu le ka ì tanka.

Yohana 15:25

Bari ñiŋ keta le ka kumoo timmandi, meŋ be safeeriŋ Luwaa Kitaaboo* kono ko: ‘Ì ye n koŋ ne, daliila te a la.’

Mika 7:2

Alla ñaasilaŋ moolu bee banta bankoo kaŋ, hani moo tilindiŋ kiliŋ maŋ tu. Moo bee be hameriŋ ka yeloo boŋ, ka jawuyaa wereŋo laa hani ì faŋo baadiŋolu kamma.

Kiilaalu 23:21

Bari kana soŋ ì la kumoo la, kaatu kewolu mennu siyaata kee taŋ naani ti, wolu le ye deleŋo laa a ye siloo kaŋ. Ì kalita le ko, ì te domoroo niŋ miŋo ke la, fo niŋ ì ye Pawulu faa foloo. Ì pareeta le saayiŋ, ì ka i la soŋo le batu.”

Jabuuroolu 38:12

Moolu mennu ka n niyo ñini, ye ì la kutindiŋolu laa n kamma le, mennu ka n na mantooroo ñini, ka kasaaroo le fo m ma. Ì ka tu feeroolu le siti la n kamma.

Jabuuroolu 2:2

Duniyaa mansoolu ye i paree keloo la. Maralilaalu kafuta ñoo ma ka feeroo siti Yaawe* kamma, aniŋ a la tomboŋ mansa.

1 Samuweli 26:18

A kumata ko, “M maarii, muŋ ne ye a tinna, i ka i la dookuulaa bayindi? Ŋa muŋ ne ke? Ŋa muŋ kuu jawu le ke, m maŋ ñaŋ na meŋ ke la?

1 Samuweli 24:17

A ko, “Ite le tilimbaata nte ti. Ite ka kuu betoo le ke n na, bari nte ka kuu jawoo le ke i la.

1 Samuweli 19:1

Sawulu diyaamuta a dinkewo Yonatani niŋ a la dookuulaalu bee ye ko, feere le ñanta ke la Dawuda la kuwo to. Bari Sawulu dinkewo Yonatani ye Dawuda kanu baake le.

Jabuuroolu 140:2

Ì ka kuu jawoolu le feere ì hakiloo kono, aduŋ ì ka tu keloo le kurukuru la.

Kuma Kotoomaalu 24:15

Kana dende ka suuñaaroo ke moo tilindiŋo yaa, waraŋ ka taa a sabatidulaa boyinkaŋ.