Jabuuroolu 59:13 - Mandinka Bible

¹³ ì kasaara niŋ i la kamfaa la, ì ye kasaara, ì noo kana tu. Wo to le duniyaa moolu bee be a loŋ na ko, Alla le be marariŋ Yaakuba koomalankoolu kunna. S

Jabuuroolu 59:13 ပူးပေါင်းရင်းမြစ်များ

Jabuuroolu 83:18

fo ì si a loŋ ko, ite doroŋ ne mu Yaawe ti, aniŋ ko, ite le mu Mansa Tallaa ti, duniyaa bee kunna.

Jabuuroolu 7:9

Moo kuruŋolu la kuruŋyaa daŋ, i ye moo tilindiŋolu londi ka bambaŋ. Ite Alla tilinta le, i ka moo-wo-moo la miiroo niŋ a la hame kuwolu koroosi le.

Esekiyeli 39:7

N na moolu Banisirayilankoolu bee be n too jankuriŋo loŋ na le, aduŋ n te soŋ na bantala bankoolu* ye jutu n too jankuriŋo la kotenke. Ì bee be a loŋ na le ko, nte le mu Yaawe ti, Banisirayila la Senuŋ Baa.

Jabuuroolu 59:11

Dukaree Alla, kana ì bee faa ñoo la, niŋ wo nte n na moolu si ñina. Ì janjandi i semboo la, i ye ì boyindi, kooni Maariyo, ǹ na tankandirilaa.

Daniyeli 4:25

Ì be i bayi la le ka bo hadamadiŋ kontoo kono, aduŋ i niŋ daafeŋolu le be tara la ñoo kaŋ. I be ñaamoo ñimi la le ko ninsoo, aduŋ komboo be jii la i kaŋ ne, ka i sinandi, fo sanji woorowula. Niŋ wo keta, i be a loŋ na le ko, Alla Mansa Tallaa le marata hadamadiŋolu la mansamarali bankoolu ma, aduŋ moo-wo-moo diyaata a ye, a ka a dii wo le la.

Esekiyeli 38:23

Wo ñaama le m be n na waroo niŋ n na seneyaa yitandi la wo banku jamaa la. Wo to le ì be a loŋ na ko, nte le mu Yaawe ti.”

Yesaya 54:5

Kaatu nte i Daamansoo ka munta le ko i keemaa. Yaawe Alihawaa Maariyo* le mu n too ti, nte Banisirayila la Senuŋ Baa le mu i kumakaalaa ti, ì ka a fo n ye le ko, duniyaa bee la Alla.”

Jabuuroolu 104:35

Allamaa junubelaalu ye buruka duniyaa kono. Allamaa moo kuruŋolu yeemaŋ na fo fawu. Nte niyo be Yaawe jayi la le. Ali Yaawe jayi.

2 Mansoolu 19:19

Wo to saayiŋ Yaawe, ǹ na Alla, ǹ tankandi mansa ñiŋ bulu. Niŋ wo keta, duniyaa mansamarali bankoolu bee si a loŋ ko, ite Yaawe doroŋ ne mu Alla ti.”

4 Musa 32:13

Yaawe la kamfaa baa naata Banisirayilankoolu kaŋ, a ye ì yaayindi keñewuloo* kono fo sanji taŋ naani, fo wo jamaanoo moo bee banta faa la mennu ye kuu kuruŋo ke a ñaatiliŋo la.

Jabuuroolu 10:7

A daa kono ka tara faariŋ dankaroo le la, neeneeroo, aniŋ mantoora kumoo. A neŋo be kalandiŋ kuruŋyaa niŋ kuu jawoo le la.

Jabuuroolu 64:9

Wo le to moolu bee si sila, ì ye i miira Alla ye meŋ ke, ì ye a la keroolu seyinkaŋ.

Jabuuroolu 109:17

A ye ñiŋ ne kanu ka dankaroo ke, Allamaa a danka la. A buka lafi ka neemoo ŋaniya, Allamaa a jamfa la a la.

Kuma Kotoomaalu 12:13

Moo kuruŋo la junube kumafoo le ka a duŋ bataa kono, bari moo tilindiŋo ka kana mantoora kuwo ma le.