Jabuuroolu 58:3 - Mandinka Bible

³ Moo kuruŋolu ka fili le biriŋ ì daa luŋo la, ì ka jenke le ka bo luŋo meŋ na ì wuluuta, ka tara faniyaa foo la.

Jabuuroolu 58:3 ပူးပေါင်းရင်းမြစ်များ

Jabuuroolu 51:5

Nte wuluuta junuboo le kono, ŋa junuboo soto le kabiriŋ m baa ye n konoo taa.

Yesaya 48:8

Kabiriŋ koomanto, ali buka i lamoyi ñiŋ kuwolu la, ka ì fahaamu, sako ka n na kumoo moyi. Ŋa a loŋ ne ko, ali be ke la n ye jamfantuŋolu le ti. Ali muritita m ma le, biriŋ ali wuluuta.

Kuma Kotoomaalu 22:15

Dindiŋo dalita le ka a faŋo ke toolewo ti, bari niŋ i ye busoo tiliŋ a la, wo ka a jamfandi a la le.

Efesusinkoolu 2:3

M̀ fanaa nene tarata wo moolu kono le nuŋ ka m̀ balajaatoolu la hame kuwolu nooma. Ǹ tarata sondiŋ m̀ balajaatoolu niŋ ǹ na niidiyaa kuwolu le la. Wo kamma la, ǹ niŋ ǹ na hadamadiŋyaa mankutoo keta kasaaroo diŋolu le ti, ko hadamadiŋ koteŋolu bee be ñaameŋ.

Yuuba 15:14

Hadamadiŋo mu muŋ ne ti, fo meŋ be a tinna la a be seneyaa la, musoo ye meŋ wuluu, fo meŋ be a tinna la wo be tiliŋ na?

Yesaya 46:3

Yaawe* ko: “Yaakuba koomalankoolu ali i lamoyi n na, alitolu moo toomaalu mennu tuta Banisirayila, ŋa n hakilitu ali to le, biriŋ ali be konoo kono, n ka ali topatoo, biriŋ ali wuluuta.

Jabuuroolu 22:10

M be ite le fee kabiriŋ n wuluu luŋo la, aduŋ m be ite le bulu biriŋ m baa be n soto la.

Jabuuroolu 55:10

Ì ka a muruŋ-muruŋ ne ka a beŋ, suutoo niŋ tiloo. Ì ka a kono bee ke moo boyinkaŋo niŋ moo mantooroo le ti.

Mika 2:1

Kooroo be boyi la moolu kaŋ ne, mennu ka tilimbaliyaa feeroo siti, aniŋ kuu kuruŋo, niŋ ì be laariŋ ì la laaraŋolu kaŋ. Niŋ fanoo keta, ì ye a taamandi ì la sembe sotoo kaŋ.