Jabuuroolu 57:9 - Mandinka Bible

⁹ Maariyo, m be i tentu la moolu bee le kono. M be suukuwo laa la i ye le ka i jayi duniyaa siyolu kono,

Jabuuroolu 57:9 ပူးပေါင်းရင်းမြစ်များ

Jabuuroolu 138:1

Hee Yaawe*, m be i tentu la niŋ n sondomoo bee le la. M be suukuwo laa la le ka i tentu sembetiyolu ñaatiliŋo la.

Jabuuroolu 18:49

Hee Yaawe, saayiŋ n ñanta i tentu la bankoolu kaŋ ne, m be jayiri suukuwolu laa la niŋ i too la le.

Jabuuroolu 2:1

Bantala bankoolu* duŋ ka muŋ jamfaa le siti? Ì ka jamfaa kenseŋo le siti.

Jabuuroolu 43:4

Bituŋ n si taa i la sadaajanidulaa* to. N na seewoo aniŋ jusulaa ka bo ite le bulu. Hee Alla, n na Alla, n si kontiŋo kosi, ŋa suukuwo laa ka i jayi.

Jabuuroolu 96:3

Ali a la semboo niŋ waroo kankulaa bankoolu bee kaŋ, aniŋ a la kaawakuu baalu duniyaa siyolu bee kono.

Roomankoolu 15:9

A naata fanaa fo wo moolu mennu maŋ ke Yahuudoolu ti, ì si tenturoo niŋ jayiroo dii Alla la, a la balafaa kamma. A be safeeriŋ ne ko: “Wo kamma la m be i jayi la nasiyoŋolu teema, m be jayiri suukuwolu laa la niŋ i too la le.”

Kiitindirilaalu 5:12

Wuli santo, wuli Debora-wo! Wuli santo, wuli i ye suukuwo laa! Wuli santo Baraki, i la moo mutariŋolu samba, ite, Abinowamu dinkewo!