Jabuuroolu 56:9 - Mandinka Bible

⁹ Niŋ ŋa i kumandi tumoo meŋ na, n jawoolu be muru la ì koo la le. Ŋa ñiŋ loŋ ne ko, Alla be m fee le.

Jabuuroolu 56:9 ပူးပေါင်းရင်းမြစ်များ

2 Mansoolu 20:5

“Muru i ye a fo n na moolu la mansa Hesekiya ye, nte Yaawe, a bonsuŋ Dawuda la Alla ko, ŋa a la duwaa moyi le, aduŋ ŋa a ñaajiyo je le. M be a kendeyandi la le. Tili saba koolaa a be taa Yaawe Batudulaa Buŋo* to le.

Jabuuroolu 102:2

Kana i ñaa kaasi n na, n na mantooroo waatoo la. I lamoyi n na, i ye tariyaa ka n jaabi, niŋ ŋa i kumandi.

Jabuuroolu 118:6

N te sila la, bayiri Yaawe be m fee le, hadamadiŋolu si muŋ ne noo m ma?

Jabuuroolu 27:2

Niŋ moo jawoolu boyita n kaŋ, ka i baluu n suboo la, itolu mennu mu n konnantewolu ti, aniŋ n jawoolu ì be taki la le, ì ye boyi.

Jabuuroolu 46:11

Yaawe Alihawaa Maariyo be ntolu fee le. M̀ mumu Yaakuba la Alla le mu ǹ ye tankadulaa ti. S

Jabuuroolu 46:7

Yaawe* Alihawaa Maariyo* be ntolu fee le. M̀ mumu Yaakuba la Alla le mu ǹ ye tankadulaa ti. S

Jabuuroolu 9:3

N jawoolu ka muru ì koo la le. Ì ka taki le ì ye kasaara i ñaatiliŋo la.

Yeremiya 33:3

“N kumandi, m be i danku la le, m be kuu baalu fo la i ye le mennu be nukundiŋ, i maŋ ì loŋ.

Malaki 3:16

Yaawe ñaasilannaalu diyaamuta ñoo ye a kuwo la le, aduŋ a ye ì lamoyi le, a ye ì la kumakaŋo moyi. Bituŋ moolu mennu silata a la, ì ye a kuliyaa, ì toolu naata safee kitaaboo kono, ka ke a ye hakili bulandiraŋo ti.

Yohana 18:6

Kabiriŋ Yeesu ko ì ye ko, “Nte le mu,” ì muruta kooma, aduŋ ì boyita bankoo to.

Roomankoolu 8:31

Saayiŋ, ǹ si muŋ ne fo ñiŋ kuwo to? Niŋ Alla be ntolu fee, jumaa le be balaŋ noo la ntolu ma?