Jabuuroolu 56:7 - Mandinka Bible

⁷ Hee Alla, ì jarabi ì la kuu kuruŋolu kamma la. Wo moolu boyindi ka bo niŋ i la kamfaa la.

Jabuuroolu 56:7 ပူးပေါင်းရင်းမြစ်များ

Jabuuroolu 55:23

Ite Alla le be wo moofaalaalu niŋ neeneerilaalu ñori la kaburoo duuma, janniŋ ì be ì siyo talantewo baluu la. Bari nte de, ŋa n jikoo loo ite le kaŋ.

Habakuki 1:13

I jankuta wo ti le, i ñaa ye loo kuu kuruŋo kaŋ, i buka muña kuu kuruŋo kaŋ. Wo to muŋ ne ye a tinna i be soŋ na jamfaalaalu ye kuu ke noo? Muŋ ne ye a tinna i tuta deyiriŋ biriŋ ñiŋ moo kuruŋolu be moolu tumbuŋ kaŋ, mennu tilinta itolu ti.

Yeremiya 10:25

I la kamfaa jindi banku koteŋ moolu kaŋ, mennu maŋ i loŋ, siyolu kaŋ, mennu buka i batu, kaatu ì ye Yaakuba koomoo kasaara le, ì ye a kasaara le ka a baŋ fereŋ, ì ye ǹ na bankoo tumbuŋ.

Yeremiya 7:10

Wo koolaa ali ka naa loo n ñaatiliŋo la ñiŋ buŋo kono, n too be meŋ kunna, ali ka a fo ko, ‘Ǹ tankata le!’ A ye a tara ali be wo kuu ñewundiŋolu ke kaŋ.

Yesaya 28:15

Ali kibirita le ka a fo ko, ali niŋ saayaa ye kambeŋo le siti, ali niŋ kaburoo fanaa denta kaŋ na. Niŋ kasaaroo feeneeta naŋ, ali be tanka la a la le, kaatu ali ye faniyaa le ke ali la tuukuraŋo ti, tooñaafobaliyaa le keta ali la semberaŋo ti.

Kawandilaa 8:8

Hadamadiŋ maŋ semboo soto ka foñoo mara, waraŋ ka semboo soto a la saayaa luŋo la. Keloo waatoo la, kelediŋ buka foñondi. Kuruŋyaa kuwo buka moo kuruŋo maakoyi noo.

Jabuuroolu 55:15

Allamaa n jawoolu ye kere kati, Allamaa ì ye kende saareŋ ka taa laakira. Kaatu kuu jawoo le be ì la taradulaalu kono, aniŋ ì sondomoolu kono.

Jabuuroolu 55:9

Hee Maariyo, n jawoolu piwundi, i ye ì fokumoolu duŋ ñoo to. N ka fitinoo le je saatewo kono, aniŋ tilimbaliyaa.

Jabuuroolu 36:12

A fele, moo jawoolu boyita le, ì busandita duuma, ì maŋ wuli noo.

Jabuuroolu 37:32

Moo jawoo ka tara moo kendoo koroosi kaŋ ne, ka siloo ñini ka a faa.

Jabuuroolu 49:6

Ì be jikiriŋ ì la naafuloolu le la, ì ka kibiri ì la soto baa la.

Jabuuroolu 59:4

A maŋ ke ko ŋa sootaari le soto, fo ì ka bori, ka i paree ka m boyinkaŋ. Wuli, i ye m maakoyi! A juubee baŋ!