Jabuuroolu 56:6 - Mandinka Bible

⁶ Ì ka kafu ñoo ma le, ì ye biti, ka n kekuwolu bee koroosi. Ì ka tara n niyo le nooma.

Jabuuroolu 56:6 ပူးပေါင်းရင်းမြစ်များ

Jabuuroolu 71:10

N jawoolu ka kumoolu fo m ma le, mennu be n niyo ñini kaŋ, ì tafawuta n kamma le,

Jabuuroolu 59:3

A juubee, ì be bitiriŋ n kamma le, ka m faa. Moo saŋaroolu le ye feeroo siti n kamma. Bari Yaawe*, a maŋ ke ko m boyita le waraŋ ŋa junuboo le ke.

Jabuuroolu 140:2

Ì ka kuu jawoolu le feere ì hakiloo kono, aduŋ ì ka tu keloo le kurukuru la.

Luka 20:20

Bituŋ Luwaa karammoolu niŋ piriisi ñaatonkoolu tarata Yeesu koroosi kaŋ. Ì ye moolu kii, mennu ye ì faŋolu ke ñininkaarilaa kendoolu ti fo ì si Yeesu muta niŋ a fokumoolu la. Ì lafita a duŋ na Rooma kumandaŋo le bulu, meŋ ye kaŋo soto ka a kiitindi.

Matiyu 27:1

Kabiriŋ fanoo keta, piriisi* ñaatonkoolu bee niŋ alifaalu ye feeroo siti ka Yeesu faa.

Matiyu 26:57

Bituŋ moolu mennu ye Yeesu muta, ì ye a samba Kayifas le yaa, meŋ mu piriisi kuntii baa ti. Aduŋ Luwaa karammoolu* niŋ alifaalu fanaa be kafuriŋ ñoo ma jee le.

Daniyeli 6:4

Bituŋ kuntiyolu niŋ kumandaŋolu ye a kata fo ì si sila soto noo ka kuma fo Daniyeli ma, a la dookuwo to mansamarali bankoo kaŋ. Bari ì maŋ sila soto a la, kaatu a tilinta le, aduŋ ì maŋ jenkoo je a la kuwo to waraŋ sootaaroo.

Yeremiya 20:10

N ka moo jamaa le moyi ŋunuŋunu la ko, “Maasiiboo le be karoo bee la! Ali taa a la kuwo dantee! Ali ŋà a la kuwo dantee maralilaalu ye!” Hani n teerimaalu bee le be koroosiroo la ka n na boyoo je. Ì ka a fo le ko, “Tumandoo a be a faŋ dundi la le, wo to le m̀ be n kutu la a la, ŋà ǹ na juloo joo a to.”

Yesaya 54:15

Niŋ moo-wo-moo ye i boyinkaŋ, a maŋ ke nte la lañinoo ti. Moo-wo-moo ye i boyinkaŋ, be boyi la le.

Jabuuroolu 89:51

Yaawe, i jawoolu ye i la tomboŋ mansa neŋ ne, a taata daa-wo-daa ì ka a neŋ ne.

Jabuuroolu 57:6

N jawoolu ye jaloo le laa n ñaato, n niyo dewunta n kono le. Ì ye dinkoo le siŋ n na siloo kaŋ, bari ì faŋolu le boyita a kono. S

Jabuuroolu 37:32

Moo jawoo ka tara moo kendoo koroosi kaŋ ne, ka siloo ñini ka a faa.

Yuuba 31:4

Fo Alla maŋ tara n taaraŋ siloolu je kaŋ baŋ, n na simfaa-wo-simfaa, a be londiŋ a bee ma le?

Yuuba 14:16

Wo to, i be tara la n simfaañaalu yaatee kaŋ ne, bari i te tara la n na junube kuwolu koroosi la.

Yuuba 16:10

Moolu ka naa ñoo bendi n kamma, ka ì daalu yele ka kuma fo m ma, ì ye n tamoo fadi ka n ñaawali.

Kuma Kotoomaalu 24:15

Kana dende ka suuñaaroo ke moo tilindiŋo yaa, waraŋ ka taa a sabatidulaa boyinkaŋ.