Jabuuroolu 54:5 - Mandinka Bible

⁵ A be n jawoolu joo la ì la kuu kuruŋolu la le. Maariyo, i la tiliŋo kaŋ, ì kasaara.

Jabuuroolu 54:5 ပူးပေါင်းရင်းမြစ်များ

Jabuuroolu 143:12

I la kanu bambaloo kaŋ n jawoolu siyo kuntu, i ye n toorandilaalu kasaara, kaatu nte mu i la dookuulaa le ti.

Jabuuroolu 89:49

Maariyo, i la kanu bambaloo lee, i ye meŋ yitandi koomanto, i ye i la laahidi bambandiŋolu mennu dii Dawuda la?

Jabuuroolu 94:23

A be ì joo la ì la kuu jawu kewo la le, a ye ì kasaara ì la junuboolu kamma la. Yaawe n na Alla be ì kasaara la le.

Jabuuroolu 31:23

Ali Yaawe kanu, alitolu mennu bee mu a la moolu ti. Yaawe ka moo tilindiŋolu kanta le, bari a ka julujooñaa jawu le ke faŋ wara moolu la.

Jabuuroolu 27:11

Yaawe, n karandi ka taama i la siloo la, aduŋ i si n samba sila koyiriŋo la, n jawoolu la kuwo kamma la.

Lankenemoo 18:6

Ali a joo ko a ye a ke ñaameŋ, jooroo dii a la siiñaa fula a la kebaara jawoolu to. Ali a ñaami a ye ko siiñaa fula mindaŋo kono, ali ye a naati a ye, ko a ye a ke ñaameŋ.

2 Timoti 4:14

Jaawali numoo Alesanda ye kuu jawoo baa le ke nte la. Maariyo be a joo la wo kebaaroolu la a ñaama le.

Jabuuroolu 137:8

Ite Babiloni kasaaratoo diŋ, seewoo be moo le ye meŋ be i joo la kuwo la i ye meŋ ke ntolu la.

Jabuuroolu 5:8

Yaawe, ite tilinta le, n kanda, n jawoolu la kuwo kamma la, i la siloo walaŋ n ye.

Jabuuroolu 143:1

Hee Yaawe*, n na duwaa moyi, i lamoyi n na daaniroo la. N jaabi, kaatu i tilinta le, aduŋ i konotoo seneyaata.

Jabuuroolu 86:14

Hee Alla, faŋ wara moolu le wulita nte kamma. Fitina moolu la kafoo le lafita ka n niyo taa, wolu mennu daa te ite la kuu to.