Jabuuroolu 54:1 - Mandinka Bible

¹ Hee Alla, n tanka ka bo niŋ i too la, i ye n na boloo dii n na ka bo niŋ i la semboo la.

Jabuuroolu 54:1 ပူးပေါင်းရင်းမြစ်များ

1 Samuweli 26:1

Sifunkoolu taata Sawulu yaa Kibeya, aduŋ ì ko a ye ko, “Dawuda be maaboriŋ Hakila konkoo le kaŋ, meŋ ye a ñaa tiliŋ Yesimoni la.”

Jabuuroolu 20:1

Allamaa Yaawe* ye i la duwaa jaabi mantooroo waatoo la. Allamaa Yaakuba la Alla ye i tankandi ka bo niŋ a too la.

Kiilaalu 4:12

Kiisoo te soto noo la ka bo moo koteŋ na, kaatu too doo maŋ dii duniyaa kono, ǹ si kiisa noo meŋ na.”

Kuma Kotoomaalu 18:10

Yaawe* too mu tata bambandiŋo le ti, moo tilindiŋolu ka bori jee le, aduŋ ì ka tanka le.

Jabuuroolu 79:9

Hee Alla, ǹ na kiisoo sababoo, m̀ maakoyi, fo i too si horoma. Ǹ kiisa, i ye yamfa ǹ na junuboolu la, i too la kuwo kamma la.

Jabuuroolu 48:10

Kooni Alla, i too bota duniyaa daŋolu to ñaameŋ, jayiroo be i ye wo le ñaama. I ka tiliŋo doroŋ ne taamandi i bulubaa buloo la.

Matiyu 1:21

A be dinkewo le wuluu la, aduŋ i si a toolaa Yeesu la, kaatu ate le be a la moolu kiisandi la ka bo ì la junuboolu kono.”

Yesaya 30:27

A juubee, Yaawe bota naŋ dulaa jaŋ ne, a la kamfaa niijii kaŋo ka munta le ko dimbaa niŋ siisii budubudoo, kamfaa kumoo le be faariŋ a daa kono, a neŋo ka mala ko dimbaa.

Matiyu 1:23

“A juubee, sunkutoo be konoo taa la, aduŋ a be dinkewo le wuluu la. Ì be a kumandi la Immanuweli le la, meŋ kotoo mu ‘Alla be ntolu fee le.’ ”

Yeremiya 50:34

Bari ì Kumakaalaa bambanta le, a too mu Yaawe Alihawaa Maariyo le ti. A be loo la ì la kuwo la le famfaŋ, ka dahaa naati duniyaa ye, bari a be dahaabaliyaa le naati la Babiloninkoolu kaŋ.”

Jabuuroolu 26:1

Hee Yaawe*, kiitiyo teyi n ye, kaatu m be baluuriŋ sootaaribaliyaa le kono, aduŋ n dankeneyaata i la le famfaŋ.

2 Taarika 20:6

A ko: “Hee Yaawe, m̀ mumuñolu la Alla, fo ite le maŋ ke Alla ti, meŋ be Arijana kono? Fo ite le maŋ mara ñiŋ duniyaa bankoolu bee ma? Semboo niŋ waroo bee be ite le bulu, moo te i loo noo la i fee.

2 Musa 23:21

Ali ali hakiloo tu a to, aduŋ ali si i lamoyi a la kumoo la. Ali kana balaŋ a bulu, a te yamfa la moo-wo-moo ye, niŋ ì balanta a ma, kaatu nte le, ŋa kaŋo dii a la.

Matiyu 10:21

“Baadiŋo be a baadiŋo jamfaa la le ka a faa, faamaa fanaa be a diŋo ke la wo le ñaama. Dindiŋolu be muriti la ì wuluulaalu ma le ka a tinna, ì ye ì faa.

Kuma Kotoomaalu 23:11

kaatu Alla le mu ì tankandirilaa bambandiŋo ti, ate le be kiitiyo ke la ì ye.

Jabuuroolu 99:4

Mansa baa, i ye tooñaa kanu le. I ye i la tiliŋo londi moolu teema le, i ye tiliŋo niŋ tooñaa le ke Banisirayila kono.