Jabuuroolu 52:8 - Mandinka Bible

⁸ Bari nte ka munta le ko olifu* yiroo meŋ falinta Alla Batudulaa Buŋo* to. Ŋa n jikoo loo Alla la kanu bambaloo le kaŋ fo abadaa.

Jabuuroolu 52:8 ပူးပေါင်းရင်းမြစ်များ

Jabuuroolu 1:3

Ate ka munta le ko, yiroo meŋ tututa woyoo daala. A ka diŋ a diŋ waatoo la le, aduŋ a jamboolu buka jaa. Ate ye meŋ-wo-meŋ ke, a ka ñaatotaa soto jee le.

Jabuuroolu 13:5

Nte ye n jikoo loo i la kanu bambaloo le kaŋ. M be jusulaa la le, kaatu i be n kiisa la le.

Yeremiya 11:16

“Nte Yaawe ka ì kumandi nuŋ n na olifu* yirisuŋ biireeriŋo le la, a niŋ a diŋ ñiimaalu. Bari ka bo niŋ turubaadi kumakaŋo la, m be dimbaa duŋ na a la le, a buloolu bee ye jani kewu.”

Roomankoolu 11:24

Baawo niŋ ite kuntuta ka bo yiroo bala, meŋ mu wulakono olifu yiroo doroŋ ti, aduŋ i sunkuruta seneyiroo bala, wo to a maŋ ke kuu baa ti ka wo yiroo fansuŋ buloolu sunkuru a bala kotenke.

Jabuuroolu 147:11

Bari Yaawe ka kontaani moolu le la kuwo la, mennu ye a kuliyaa, mennu be jikiriŋ a la kanu bambaloo la.

Jabuuroolu 128:3

I la musoo be ke la i la suwo kono le, komeŋ yiri dinnaa baa. I diŋolu be ke la i la domori miraŋo dandaŋo la le, komeŋ yiri faliŋ kutoolu.

Jabuuroolu 33:18

Yaawe ka moolu kanta le, mennu ye a kuliyaa, mennu ye ì jikoo loo a la kanu bambaloo kaŋ.

Jabuuroolu 58:11

Moolu si a fo ko, “Jooroo be moo tilindiŋolu ye le. Tooñaa, Alla be jee le, meŋ ka duniyaa kiitindi.”