Jabuuroolu 51:6 - Mandinka Bible

⁶ Ite ye konotoseneyaa niŋ tooñaa le kanu, wo kamma la n karandi, ka ñaameŋo ke n sondomoo kono.

Jabuuroolu 51:6 ပူးပေါင်းရင်းမြစ်များ

2 Samuweli 12:13

Wo to le Dawuda ko Natani ye ko, “Ŋa junube kuwo le ke Yaawe la.” Natani ye a jaabi ko, “Yaawe ye i la junuboo kafari le. I maŋ taa faa la.

2 Mansoolu 20:3

“M Maarii Yaawe, ŋa i daani i si ñiŋ juubee ko, n taamata i ñaa koto tiliŋo le la, aniŋ sondome seneyaa, aduŋ m baarata kuwolu le la mennu beteyaata i fee.” Bituŋ a kumboota kendeke.

1 Taarika 29:17

Ŋa a loŋ ne ko, i ka moo-wo-moo sondomoo kotobo le, aduŋ i ka seewoo moo tilindiŋo la kuwo to le. Ka bo niŋ n ŋaniyoo bee la, ŋa ñiŋ diiroo ke i ye tiliŋo le kono. Aduŋ ŋa a je le, i la moolu mennu benta jaŋ, kontaanita ñaameŋ ka soorifeŋolu samba naŋ i kaŋ.

Yuuba 32:8

Bari meŋ ye hakiloo dii hadamadiŋo la, ka fahaamuroo ke, aniŋ meŋ ye niyo dii a la, wo mu Alla Tallaa le ti.

Yuuba 38:36

Jumaa le ye ñaameŋo dii sondomoo la, waraŋ ka fahaamuroo dii hakiloo la?

Jabuuroolu 125:4

Yaawe, kuu kendoo ke moolu ye, mennu mu moo kendoolu ti, mennu ŋaniyoo seneyaata.

Jabuuroolu 15:2

Wo mu moo le ti meŋ baluuñaa maŋ sootaaroo soto, aduŋ a kekuwolu ka tiliŋ ne, a fokumoolu ka ke tooñaa le ti, aniŋ konotoseneyaa.

Jabuuroolu 26:2

Hee Yaawe, n kotobo, i ye n kisikisi. N sondomoo kono kusonsoŋ, aniŋ n na miiroolu,

Jabuuroolu 32:5

Bituŋ ŋa n na boyidaa fo i ye, aduŋ m maŋ n na kuu jawoo nukuŋ i ma. N kumata le ko, “M be n na junuboolu fo la Yaawe ye le.” Bituŋ i yamfata n na junuboo dunoo la. S

Jabuuroolu 41:5

N jawoolu ka kuma jawoolu le fo m ma ko, “Muna a te faa la baŋ, fo a too si buruka fereŋ?”

Jabuuroolu 5:9

Kuma buka bo ì daa, moo si laa meŋ na. Kasaaroo doroŋ ne ka tara ì sondomoo to. Ì ka neeneeroo ke ì neŋ kolomoo le la, jamfaa le ka tara sosoriŋ ì kono.

Kuma Kotoomaalu 2:21

Kaatu moo tilindiŋolu be sabati la laahidi bankoo kaŋ ne, mennu maŋ sootaari soto fanaa si tara jee.

Kuma Kotoomaalu 2:6

Kaatu Yaawe le ka moo so ñaameŋo la, londoo niŋ fahaamuroo bee ka bo ate le bulu.

Yeremiya 12:1

Hee Yaawe*, ite le be boloo la, niŋ ŋa tuumiroo naati i kaŋ. Hani wo, m be n na kuwo laa la i ñaa koto le. Muŋ ne ye a tinna moo kuruŋolu ka yiriwaa? Muŋ ne ye a saabu moo jenkeriŋolu ka ñaatotaa soto?

Yeremiya 31:33

“M be kambeŋ kutoo meŋ siti la n niŋ Banisirayila teema, wo luŋolu la, a be ke la ñiŋ ne ti: M be n na yaamaroolu ke la ì hakiloolu kono le, ŋa ì safee ì sondomoolu bala. M be ke la ì la Alla le ti, aduŋ ì be ke la n na moolu le ti.

Yeremiya 32:40

M be badaa-badaa kambeŋo le siti la n niŋ ì teema ko: N nene te m foño la kuu kendoo ke la ì ye, aduŋ m be n ñaasilaŋo dundi la ì sondomoolu kono le, ñiŋ kamma ì kana jenke n na karoo la kotenke.

Yeremiya 5:3

Hee Yaawe, fo ite ñaa buka lafi tooñaa le je la baŋ? I ye ì busa le, bari a dimoo maŋ duŋ ì la. I ye ì kasaara le, hani wo ì balanta i la kuluuroo la. Ì ye ì sondomoolu jandi le ko beroo, ì balanta ka tuubiseyi.

Luka 11:39

Wo to le Maariyo ko a ye ko, “Alitolu Farisewolu, ali ka mindaŋo niŋ booloo banta le kuu: bari ali sondomoolu be faariŋ suuñaaroo niŋ kuruŋyaa le la.

Roomankoolu 7:22

N sondomoo kono, ŋa Alla la Luwaa kanu le,

2 Korintinkoolu 1:12

A mu ǹ ye kibiri kuwo le ti ko, ŋà m̀ faŋolu muta le daa-wo-daa, sako biriŋ m̀ be alitolu fee. M̀ baluuñaa seneyaata le, aduŋ a tilinta le ko Alla lafita a la ñaameŋ. Hani ǹ sondomoolu ka ñiŋ kuwo seedeyaa. M̀ buka baluu niŋ hadamadiŋyaa ñaameŋo la, bari Alla la hiinoo.

Yankuba 4:8

Ali sutiyaa Alla la, aduŋ a fanaa be sutiyaa la ali la le. Alitolu junubelaalu, ali ali buloolu kuu! Hakilifulatiyolu, ali ali sondomoolu seneyandi!

1 Pita 3:4

bari ali la ñiiñaa si bo niŋ ñarandi kuwolu la, mennu be maaboriŋ ali sondomoo kono, aduŋ ì te kasaara la. Tenkuŋo niŋ mooyaa le mu naafuloo ti, meŋ kummaayaata Alla ñaatiliŋo la.

1 Samuweli 16:7

Bari Yaawe ko a ye ko, “Kana a la jamfoo niŋ a la ñiiñaa juubee. N te ate ke la mansa ti, kaatu nte buka kiitiyo teyi ko hadamadiŋolu ka a ke ñaameŋ. Hadamadiŋolu ka moo muluŋo le juubee, bari nte ka moo sondomoo le juubee.”