Jabuuroolu 51:5 - Mandinka Bible

⁵ Nte wuluuta junuboo le kono, ŋa junuboo soto le kabiriŋ m baa ye n konoo taa.

Jabuuroolu 51:5 ပူးပေါင်းရင်းမြစ်များ

Roomankoolu 5:12

Junuboo naata duniyaa kono ka bo niŋ moo kiliŋ ne la, aduŋ junuboo le ye saayaa saabu, meŋ naata hadamadiŋolu bee kaŋ, kaatu ì bee le ye junuboo ke.

Jabuuroolu 58:3

Moo kuruŋolu ka fili le biriŋ ì daa luŋo la, ì ka jenke le ka bo luŋo meŋ na ì wuluuta, ka tara faniyaa foo la.

Yuuba 14:4

Hadamadiŋo maŋ seneyaa, feŋ senuŋ si bo noo a bala ñaadii le?

Efesusinkoolu 2:3

M̀ fanaa nene tarata wo moolu kono le nuŋ ka m̀ balajaatoolu la hame kuwolu nooma. Ǹ tarata sondiŋ m̀ balajaatoolu niŋ ǹ na niidiyaa kuwolu le la. Wo kamma la, ǹ niŋ ǹ na hadamadiŋyaa mankutoo keta kasaaroo diŋolu le ti, ko hadamadiŋ koteŋolu bee be ñaameŋ.

Yohana 3:6

Meŋ wuluuta balajaatoo la, wo mu balajaatoo le ti, aduŋ meŋ wuluuta Nooroo la, wo mu nooroo le ti.

1 Musa 5:3

Kabiriŋ Adama siyo be sanji keme sanji taŋ saba, a ye dinkewo soto, meŋ mulunta ko a faŋo, ate faŋo sawuroo be ñaameŋ. Bituŋ a naata a toolaa Seti la.

1 Musa 8:21

Kabiriŋ Yaawe ye ñiŋ seera diimaalu seeroo taa, a ko a faŋ ye ko, “N te bankoo danka la kotenke hadamadiŋolu la kuwo kamma. Miiroo meŋ ka tara hadamadiŋo sondomoo kono, ka bo a la dindiŋyaa waatoo la, ka ke miira jawoo le ti. Aduŋ n te niilamaa feŋolu bee fanaa kasaara la kotenke ko ŋa meŋ ke teŋ.

3 Musa 15:18

Niŋ kewo niŋ musoo kafuta, fo a ye i jii, ì moo fuloo ñanta jiyo taa la le, ì ye i kuu. Kosoo be tara la ì bala le fo wulaaroo.