Jabuuroolu 51:16 - Mandinka Bible

¹⁶ Beeyaŋ sadaalu* te i seewondi la, tennuŋ n si ì bondi i ye. I maŋ lafi jani sadaalu la.

Jabuuroolu 51:16 ပူးပေါင်းရင်းမြစ်များ

Jabuuroolu 40:6

Ite buka seewoo beeyaŋ sadaalu* la, aniŋ siimaŋ sadaalu. I maŋ ñiŋ kaniŋ ka jani sadaalu bondi, waraŋ junube kafarilaŋ sadaalu, bari i ye tuloo ke n na le ka n lamoyi i la.

Hoseya 6:6

N lafita kanu bambaloo le la, a maŋ ke beeyaŋ sadaa* ti, Alla loŋo diina jani sadaa ti.

1 Samuweli 15:22

Samuweli ko, “Fo Yaawe ka kontaani beeyaŋ sadaalu aniŋ jani sadaalu la kuwo la le baŋ, ka tambi a la kumakaŋolu mutoo la? Ka buuñaari ke a la kumoo la, wo le kummaayaata sadaaboo ti, aduŋ Alla la kuwo hakilituwo, wo le fisiyaata saajiikotoŋo keŋo ti.

Jabuuroolu 51:6

Ite ye konotoseneyaa niŋ tooñaa le kanu, wo kamma la n karandi, ka ñaameŋo ke n sondomoo kono.

Kuma Kotoomaalu 21:27

Moo kuruŋo la beeyaŋ sadaa* konta le, sako niŋ a maŋ a bondi niŋ ŋaniya senuŋo la.

Kuma Kotoomaalu 15:8

Moo jawoo la sadaa* mu Yaawe tanoo le ti, bari a ka seewoo le, ka moo tilindiŋo la duwaa muta.

Jabuuroolu 50:8

Ali la beeyaŋ sadaalu maŋ a tinna ŋa ali jalayi de, waraŋ ali ka tu jani sadaalu mennu bondi la n ye.

Yeremiya 7:27

“Wo to Yeremiya, hani i si ñiŋ kumoolu bee fo ì ye, ì te i lamoyi la. I be ì kumandi la le, bari ì te soŋ na i danku la.

5 Musa 22:22

Niŋ ali ye kewo niŋ wandi musoo muta jeenoo la, ì fuloo bee ñanta faa la le. Ali be kuruŋyaa bondi la ali kono teŋ ne.

4 Musa 15:27

Bari moo meŋ ye junube kuwo ke lañinoo kono, a maarii ñanta sanji kiliŋ baa yeerewo le samba la naŋ ka ke junube kafarilaŋ sadaa ti.

2 Musa 21:14

Bari niŋ moo kamfaata, a ye a ñoŋ hadamadiŋo faa tawulaayaa kono, ali ñanta a fanaa faa la le, hani a ye a tara, a borita n na sadaabodulaa* le to, ka taa tankoo ñini.

4 Musa 35:31

Ali kana kumakaari kodoo muta, ka moofaalaa niyo tankandi meŋ ñanta ka faa. Ñiŋ maarii ñanta faa la le.

2 Samuweli 12:9

Muŋ ne ye a tinna duŋ, i maŋ nte Yaawe la yaamaroo muta, i ye ñiŋ kuu jawoo ke n ñaa koto? Ite le ye a saabu, fo Uriya Hitinkoo faata keledulaa to, i ye a la musoo ke i taa ti. Ite le ye a faa niŋ Ammoninkoolu la hawusaroo* la.

Jabuuroolu 71:15

M be kali kuu kendoolu seyinkaŋ na le, i ye mennu ke tiloo muumewo bee, ka a fo i ye i la moolu kiisa ñaameŋ, wo kuwolu yaatewo tambita n na londoo la ñaa-wo-ñaa.