Jabuuroolu 50:3 - Mandinka Bible

³ Ǹ na Alla ka naa le, aduŋ a niŋ deyoo nte. Dimbaa saŋaroo le ka mala a ñaatiliŋo la, aduŋ turubaadoo le ka fee a dandaŋo bee la.

Jabuuroolu 50:3 ပူးပေါင်းရင်းမြစ်များ

Daniyeli 7:10

Dimbaa ka feenee naŋ a ñaatiliŋo la le. Mennu be a batu kaŋ, ì wuliwuloolu le mu, miliyoŋolu le be looriŋ a ñaatiliŋo la. Kiitiyo datita, aduŋ ì ye kitaaboolu yele.

4 Musa 16:35

Bituŋ Yaawe ye dimbaa jindi naŋ, a ye ñiŋ kee keme fula niŋ taŋ luuloo bee domo, mennu tarata cuuraayoolu siisindi kaŋ sadaa ti.

3 Musa 10:2

Loodulaa kiliŋ Yaawe ye dimbaa jindi naŋ ka ì kasaara, aduŋ ì faata a ñaatiliŋo la jee.

Matiyu 3:12

A la feerilaŋo be a buloo kono le, aduŋ a be kesoolu niŋ fuufulewolu bo la ñoo to le. Wo to le a be a la kesoolu ke la buntuŋo kono, bari a be fuufulewolu jani la dimbaa le la, meŋ buka faa noo.”

Lankenemoo 22:20

Ate meŋ ka ñiŋ kuwolu seedeyaa, a ko le, “Tooñaa, sambii nte be naa la!” Amiin, naa, Maarii Yeesu!

Hiburunkoolu 12:29

kaatu ǹ na Alla ka muluŋ ne ko dimbaa, meŋ ka kasaaraloo ke.

Malaki 4:1

“Luŋo be naa kaŋ ne meŋ be wulee la ko fuuri dimbaa. Luŋo meŋ, faŋ wara moolu niŋ kuu kuruŋ kelaalu be jani la ko ñaama jaaroo. Niŋ ñiŋ luŋo naata, ì bee le be jani la, ì ye baŋ fereŋ. Nte Yaawe Alihawaa Maariyo* le ye a fo.

Habakuki 3:5

Kuuraŋ jawoo tambita naŋ a ñaato, alibalaa ye a nooma naŋ kataba kiliŋ.

Jabuuroolu 96:13

ka suukuwo laa Yaawe ye, kaatu a be naa le, a be naa ka duniyaa kiitindi. A be duniyaa moolu kiitindi la tiliŋo niŋ tooñaa le la.

Jabuuroolu 83:1

Hee Alla, kana tu deyiriŋ. Hee Alla, kana tu tenkundiŋ ka i deyi.

Jabuuroolu 68:20

Ntolu la Alla mu Alla le ti meŋ ka kiisandiroo ke. Ate Yaawe, m̀ Maariyo le ka ntolu kanandi saayaa ma.

Jabuuroolu 50:21

Ali ye ñiŋ kuwolu ke le, m be deyiriŋ, ali ye a miira nte be le ko alitolu. Silaŋ ŋa ali jalayi le, aduŋ ŋa a kuwo laa ali ñaatiliŋo la le.

Jabuuroolu 48:14

“Ñiŋ Alla mu ǹ na Alla le ti fo fawu, ate le be ǹ kanda la fo abadaa.”

5 Musa 9:3

Wo to ali si a kalamuta ko, Yaawe* ali la Alla, ate le be tambi la ali ñaato ko dimbaa saŋaroo. A be ali semboo warandi la wo moolu ti le mennu be ali ñaato, fo ali si ì wutundi noo jee ali ye ì kasaara katabake, ko ate Yaawe faŋo ye ali laahidi a la ñaameŋ.

2 Musa 19:18

Siisiyo ye Sinayi Konkoo bee muuri, kaatu Yaawe jiita a kaŋ niŋ dimbaa le la. Siisiyo budubuduta ko niŋ siisiyo ka bo fuuroo le to. Konkoo bee jarajarata kendeke,

Hiburunkoolu 2:3

Wo to, ntolu duŋ? Ǹ si kana noo ñaadii le, niŋ ŋà ǹ ñaa kaasi ñiŋ ñoŋ kiisa baa la? Wo mu Maariyo faŋo le ti, meŋ ye ñiŋ kiisoo la kuwo bankee folooto, aduŋ moolu mennu ye a moyi, wolu ye a futandi m̀ ma le.

Yesaya 35:4

Mennu jikilateyita, a fo ì ye ko, “Ali fatiyaa, ali kana silaŋ, kaatu ali la Alla be naa le ka ali la makatoo bayi. A be naa julujoo le la, a be naa le ka ali kiisa.”

Esekiyeli 1:4

A fele, biriŋ ŋa santo juubee, ŋa turubaadi baa le je, a ka bo naŋ maraa karoo la, aniŋ minaayi fiŋ baa niŋ saŋ ŋalasoo, mala baa ye a murubeŋ. Dimbaa le tarata mala kaŋ a teema, aduŋ dimbaa ñiŋ kono, feŋ ne be ñeliñeli kaŋ jee meŋ ka muluŋ ko jaawaloo.