Jabuuroolu 50:18 - Mandinka Bible

¹⁸ Hani suŋo niŋ ali ye a je, ali niŋ a ka kafuñooyaa le, aduŋ ali niŋ jeenelaalu le ka kuukeñooyaa.

Jabuuroolu 50:18 ပူးပေါင်းရင်းမြစ်များ

1 Timoti 5:22

Kana koronto ka i buloo laa moo kaŋ ka a kerekere Alla la dookuwo ye. Kana duŋ wandi junuboolu kono, bari i si tu seneyaariŋ.

Roomankoolu 1:32

Hani ì ye Alla la Luwaa loŋ ñaa-wo-ñaa ko, moolu mennu ka ñiŋ kuu siifaalu ke, wolu jarita le ka faa, ì maŋ tenteŋ ka ñiŋ kuwolu doroŋ ke, bari ì ka kontaani moo doolu fanaa la kuwo la le, mennu ka ñinnu ke.

Hiburunkoolu 13:4

Futuwo si buuñaa alitolu bee kono, aduŋ futuu laaraŋo si seneyaa futuuñoomaalu teema. Alla le be laañooyaa tulunnaalu niŋ jeenelaalu kiitindi la.

Matiyu 23:30

Aduŋ ali ka a fo ko, ‘Niŋ ǹ tarata baluuriŋ m̀ mumuñolu la jamaanoo la, ǹ te kafu la ì ma ì la annabiyomoolu faa to.’

Mika 7:3

Ì ka kuu kuruŋo baara ì bulu jinsoolu la le, aduŋ ì kalanta wo la le. Maralilaalu ka feŋolu kaniŋ moolu bulu, kiitiikuntulaalu ka dukoo muta moolu bulu, sembetiyolu ka kaŋo dii ka kuwo laa, ko itolu lafita a la ñaameŋ. Ì ka deŋ teŋ ne ka tooñaa nakari.

Yesaya 5:23

aniŋ ka dukoo muta moo boyiriŋo bulu, ka moo la tooñaa nakari meŋ maŋ boyi.

3 Musa 20:10

Niŋ kee meŋ niŋ a ñoŋ kee doo la musoo ye jeenoo ke, wo kewo niŋ wo musoo bee ñanta le ka faa.

2 Samuweli 13:5

Yonadabu ko a ye ko, “Taa i laa, i ye i faŋ ke ko moo meŋ saasaata. Niŋ i faamaa naata, ka i juubee, a fo a ye ko, ‘M be lafi la le, m baarimmusoo Tamara ye naa feŋ dii n na, m be meŋ domo la. A si domoroo ñiŋ dadaa n ñaa la, fo n si a juubee, bituŋ a si n domorindi.’ ”