Jabuuroolu 5:7 - Mandinka Bible

⁷ Bari ka bo niŋ i la kanu bambaloo la, nte be duŋ na i la buŋo kono le, m be sujudi la i la buŋ senuŋo ñaatiliŋo la le, ka i kuliyaa.

Jabuuroolu 5:7 ပူးပေါင်းရင်းမြစ်များ

1 Mansoolu 8:35

“I si saŋ fatoolu soroŋ noo le, sanji te soto la, kaatu i la moolu ye junube kuwo le ke i la. Ì si duwaa ñiŋ dulaa ñaatiliŋo la ka i too kumandi, aduŋ ì si tuubi ì la junuboolu la, kaatu i ye mantooroo le laa ì kaŋ.

1 Mansoolu 8:38

Niŋ i la moolu Banisirayilankoolu bee waraŋ moo kiliŋ ye i daani ka balafaa a ye, i si i lamoyi. Niŋ a maarii ye a buloo wulindi ka a tiliŋ buŋo la, ka duwaa kaatu a ye a la bataa kuwo kalamuta le, aniŋ a la tooroo,

Jabuuroolu 101:7

Neeneerilaalu te sii la n na maralibuŋo kono, aduŋ faniyaa folaalu te sabati la m fee.

Jabuuroolu 130:4

Bari ite le mu yamfalaa ti, wo le ye a tinna moolu ñanta sila la i la.

Jabuuroolu 132:7

Bituŋ ǹ ko, “Ali ŋà taa Yaawe la sabatidulaa to. Ali ŋà sujudi a siŋo koto.”

Jabuuroolu 138:2

M be sujudi la i la buŋ senuŋo ñaatiliŋo la le, m be i tentu la i too la le, i la kanu bambaloo niŋ i la tiliŋo kamma la. Kaatu i ye i too niŋ i la laahidoo le kuliyandi ka tambi feŋo bee la.

Jabuuroolu 28:2

I lamoyi n kumboo kaŋo la, niŋ m be maakoyiri ñiniŋo la, niŋ ŋa m buloolu wulindi ka duwaa i la buŋ senuŋ baa ñaatiliŋo la.

Jabuuroolu 34:17

Niŋ moo tilindiŋolu woosiita Yaawe ye, ì ye a daani maakoyiroo la, a ka ì danku le, aduŋ a ka ì kiisa ì la mantooroolu bee le kono.

Jabuuroolu 51:1

Hee Alla, balafaa n ye, ka bo niŋ i la kanu bambaloo la. I la balafaa warata le, wo kamma la n na junuboolu tuutuu.

Jabuuroolu 52:8

Bari nte ka munta le ko olifu* yiroo meŋ falinta Alla Batudulaa Buŋo* to. Ŋa n jikoo loo Alla la kanu bambaloo le kaŋ fo abadaa.

Jabuuroolu 55:16

Bari n ka Alla le kumandi, aduŋ ate Yaawe* le be n tankandi la.

Jabuuroolu 69:13

Hee Yaawe, nte de, n na duwaa be looriŋ ite le kaŋ. Hee Alla, n na duwaa jaabi waatoo la, i faŋo ye meŋ londi. N jaabi i la kanu bambaloo la waroo la. N jaabi niŋ i la tankandiri koyoo la.

Jabuuroolu 69:16

Hee Yaawe, n jaabi i la kanu bambaloo niŋ i la beteyaa kaŋ. Ka bo niŋ i la balafaa baa la, muru n kaŋ.

Kuma Kotoomaalu 6:16

Feŋ woorowula le be jee, Yaawe* ye mennu koŋ, wolu mu a tanoo le ti:

Kuma Kotoomaalu 6:17

ka i faŋ wara, ka faniyaa fo, aniŋ ka moolu faa kensenke,

Yesaya 55:7

Moo jawoo ye a la jawuyaa siloo bula, moo kuruŋo ye a la kuruŋyaa miiroo tu jee. Ì ye muruŋ Yaawe kaŋ, a be balafaa soto la ì ye le. Ì ye naa ǹ na Alla kaŋ, kaatu a be yamfa la ì ye le burayi.

Yesaya 64:11

Ǹ na Batudulaa Senuŋ* ñiimaa, ǹ na alifaa foloolu ka i jayi daameŋ, dimbaa ye a bee jani le, ǹ na dulaa ñiimaalu bee kasaarata.

Daniyeli 6:10

Daniyeli ye a loŋ ne ko, luwaa kayitoo ñiŋ tamputa le, bari wo ñaa-wo-ñaa, a ka taa a la buŋo kono le, a ye sujudi ka duwaa, ka a la Alla daani, aniŋ ka a tentu siiñaa saba luŋ-wo-luŋ, ko a dalita a ke la ñaameŋ. A ka a ke a la buŋ santonkoo le kono, meŋ palanteeroolu be tilindiŋ Yerusalaamu la.

Hoseya 3:5

Wo koolaa, Banisirayilankoolu be muru la le, ì ye Yaawe ñini ì la Alla, aniŋ Dawuda koomalankoo, ì la mansa. Ì si naa Yaawe kaŋ, ì niŋ buuñaa, aduŋ a be neema la ì ma luŋ labaŋolu la le.

Kiilaalu 9:31

Wo to le Yeesu la kafoo moolu bee ye kayiroo soto Yudeya, Kalilee aniŋ Samariya tundoolu kaŋ. Ì bambanta, aduŋ ì yiriwaata Maariyo ñaasilaŋo kono ka bo niŋ Noora Kuliŋo la maakoyiroo la.

Hiburunkoolu 4:16

Wo to, ali ŋà fatiyaa ka sutiyaa Alla hiinantewo la mansasiiraŋo ma, fo ǹ si balafaa niŋ hiinoo soto ǹ na maakoyiroo to, ǹ suulata ì la waatoo meŋ na.

Yosuwa 24:15

Bari niŋ ali maŋ lafi ka Yaawe batu, wo to ali a fo bii, ali be meŋ tomboŋ na ka a batu. Ali tombondiroo ke alloolu la ali la alifaa foloolu tarata mennu batu kaŋ nuŋ Yufurati Boloŋo kankuŋ doo la, waraŋ Amorinkoolu la alloolu, ali be sabatiriŋ mennu la bankoo kaŋ saayiŋ. Bari nte wo de, n niŋ n na dimbaayaa be Yaawe doroŋ ne batu la.”