Jabuuroolu 5:12 - Mandinka Bible

¹² Kaatu Yaawe, i ka moo tilindiŋolu barakandi le, i ka ì muuri i la neemoo la, ka ke ì ye tankoo ti.

Jabuuroolu 5:12 ပူးပေါင်းရင်းမြစ်များ

Jabuuroolu 84:11

Yaawe Alla ka munta n ye le ko tiloo, aniŋ tankaraŋ koteeroo*, ate le ka hiina aniŋ ka horomoo dii. Moolu mennu baluuñaa maŋ sootaari soto, a buka wolu bali kuu kende la.

Jabuuroolu 32:10

Moo kuruŋo niŋ kooroo jamaa le mu, bari meŋ dankeneyaata Yaawe la, wo ka tara tankariŋ a la kanu bambaloo le kono.

Jabuuroolu 115:13

A be neema la moolu ma le mennu ye a kuliyaa, moondiŋ, moo baa.

Jabuuroolu 112:1

Ali Yaawe* jayi. Barakoo be moo le ye meŋ ye Yaawe ñaasilaŋo soto, meŋ ka seewoo baake a la yaamaroolu mutoo la.

Jabuuroolu 32:7

I mu n ye maabodulaa le ti. I be n tankandi la mantooroo ma le, aduŋ suukuulaa le be tara la m fee karoo bee la, i la n tankandoo kaŋ. S

Jabuuroolu 29:11

Allamaa Yaawe ye semboo dii a la moolu la. Allamaa Yaawe ye neema a la moolu ma kayiroo la.

Jabuuroolu 3:3

Bari ite Yaawe mu n ye tankaraŋ koteeroo* le ti, ite le mu n na horomoo sababoo ti, aniŋ meŋ ka n kuŋo bo jirandiŋ.

Jabuuroolu 3:8

Tankoo ka bo Yaawe le bulu, Allamaa a la neemoo ye tara a la moolu fee. S

Jabuuroolu 68:4

Ali suukuwolu laa Alla ye, ali jayiri suukuwolu laa a too la. Ali suukuwo wulindi a ye, ate meŋ ka tara tawaloolu kaŋ ka ì borindi. A too mu Yaawe* le ti, ali seewoo a ñaatiliŋo la.

Jabuuroolu 118:15

Ali seewoo niŋ maakaŋo moyi kuma la Alla la moolu la daakaalu to, kaatu ì ye nooroo ke keloo to le, ì ko: “Yaawe semboo warata le, aduŋ ate le ka nooroo ke.

Jabuuroolu 119:132

I ñaa fayi n kaŋ, i ye balafaa n ye, ko i ka a ke moolu ye ñaameŋ, mennu ye i kanu.