Jabuuroolu 49:2 - Mandinka Bible

² Moo baa, moondiŋ, fankamaalu niŋ fuwaaroolu bee, ali i lamoyi.

Jabuuroolu 49:2 ပူးပေါင်းရင်းမြစ်များ

Jabuuroolu 62:9

Hadamadiŋo mu niijii foñoo doroŋ ne ti, biriŋ moo baa fo moo koteŋ kenseŋ, a bee nafantaŋ. Niŋ i ye ì laa peesaraŋo kaŋ, ì te feŋ boyi la. Hani niijii foñoo le kuliyaata ì ti.

Kuma Kotoomaalu 22:2

Fankamaa niŋ fuwaaroo denta ñiŋ kuwo la le, Yaawe* ì Daamansoo le ye ì bee daa.

Yuuba 34:19

A buka maralilaa faasaa, aduŋ a buka fankamaa la kuu selendi fuwaare kaŋ, kaatu ate le ye ì bee daa.

Yesaya 34:1

Alitolu bantala bankoolu*, ali kata naŋ, ali ye i lamoyi. Moolu, ali ali tuloo loo. Duniyaa si a moyi, aniŋ a konokono feŋolu bee, duniyaa aniŋ mennu bee be baluuriŋ a kono.

Mika 1:2

Ali moyiroo ke bankoolu bee, ali bee kewu. Duniyaa niŋ a konokono feŋolu, ali i lamoyi. M Maarii Yaawe faŋo le be seedeyaa la ali la kuwo la, ka bo a taradulaa senuŋo to.