Jabuuroolu 49:16 - Mandinka Bible

¹⁶ Kana jaakali niŋ moo keta naafulutiyo ti, niŋ a la sotoo lafaakuuta.

Jabuuroolu 49:16 ပူးပေါင်းရင်းမြစ်များ

Jabuuroolu 37:7

Muña Yaawe ye, i ye a batu. Kana diminnaa moolu la kuwo la, mennu ka ñaatotaa soto, mennu ka feere jawoolu taamandi, aduŋ a ka ì wati.

Lankenemoo 21:26

Ì be nasiyoŋolu la fankoo niŋ ñiiñaa aniŋ ì la horomoo samba la naŋ a kono le.

Lankenemoo 21:24

Ka bo niŋ saatewo la maloo le la, nasiyoŋolu be taama la maloo kono, aduŋ duniyaa mansoolu be ì la fankoo niŋ ñiiñaa naati la a kono le.

Jabuuroolu 37:1

Kana diminnaa moo jawoolu la kuwo kamma la. Kana ñaabo kuu kuruŋ kelaalu fee.

Jabuuroolu 49:5

Nte te sila la koleyaa waatoo kono, niŋ neeneerilaa kuruŋolu ye m murubeŋ.

Esita 5:11

A ye kuma baalu fo a la naafuloo la siyaa koleŋo kamma la, a dinkee jamaalu aniŋ mansa ye a la palaasoo lafaa ñaameŋ aniŋ a ye a kummaayandi a la moo kummaalu aniŋ a la maralilaalu ñaato ñaameŋ.

1 Musa 31:1

Bituŋ Yaakuba naata a moyi Labani dinkewolu be a fo kaŋ ko, “Yaakuba le ye m̀ faamaa la sotofeŋo bee taa. A ye ñiŋ fankoo soto m̀ faamaa la sotofeŋo le to.”

Kuma Kotoomaalu 28:12

Niŋ moo tilindiŋolu ye nooroo ke, seewoo baa le ka ke, bari niŋ moo jawoo ye maraloo ke, moolu ka ì kuŋ kedulaa le ñini.

Hoseya 13:14

“Fo n ñanta ñiŋ moolu kumakaa la fureeduu semboo ma le baŋ? Fo n ñanta ì kiisa la saayaa ma le baŋ? Saayaa, muna i la alibalaa kuuraŋo lee? Fureeduu, i la kasaaroo lee? Balafaa, hani a domandiŋo te n ñaa to.