Jabuuroolu 49:11 - Mandinka Bible

¹¹ Ì la kaburoolu le ka ke ì la suwolu ti fo abadaa, ì ka tara wo le to fo fawu, ì nene ka ali fansuŋ kenoolu soto ñaa-wo-ñaa.

Jabuuroolu 49:11 ပူးပေါင်းရင်းမြစ်များ

1 Musa 4:17

Kaabiila niŋ a la musoo kafuta, a naata konoo taa, a ye Enoki wuluu. Bituŋ Kaabiila naata saatewo loo, a ye a toolaa a dinkewo la, meŋ mu Enoki ti.

Jabuuroolu 64:6

Niŋ ì ye ì la tilimbaliyaa feeroolu dadaa, ì ye a fo ko ì ye feere kendoo le laa. Muna, hadamadiŋo le sondomoo niŋ a hakiloo dibita.

Jabuuroolu 5:9

Kuma buka bo ì daa, moo si laa meŋ na. Kasaaroo doroŋ ne ka tara ì sondomoo to. Ì ka neeneeroo ke ì neŋ kolomoo le la, jamfaa le ka tara sosoriŋ ì kono.

Esekiyeli 38:10

Maarii Yaawe ye ñiŋ ne fo ko: “Wo luŋo la le miira jawoolu be duŋ na i la, aniŋ i be feere jawoolu siti la,

Jabuuroolu 10:6

A ka ñiŋ ne fo a faŋ ma ko, “N te bo la n noo to muk. N te bula la mantooroo kono abadaa.”

2 Samuweli 18:18

Abusalomu la baluwo waatoo kono, a ye samasiŋo loo a faŋo ye le Mansa la Wulumbaŋo kono, kaatu a maŋ dinkee soto, ka a too tu baluuriŋ. Bituŋ a ye a toolaa a faŋo le la. Ka naa bula bii la, ì ka jee kumandi Abusalomu la Samasiŋo le la.

Kiilaalu 8:22

Wo kamma la, tuubi i la ñiŋ kuruŋyaa la. I si duwaa ka Alla daani, fo a si yamfa i la sondome miira jawoo la.

Luka 11:39

Wo to le Maariyo ko a ye ko, “Alitolu Farisewolu, ali ka mindaŋo niŋ booloo banta le kuu: bari ali sondomoolu be faariŋ suuñaaroo niŋ kuruŋyaa le la.

1 Samuweli 15:12

Wo saamoo soomandaa juunoo a taata Sawulu ñini. Bari ì ko a ye le ko, “Sawulu taata Karimeli le, daameŋ a ye samasiŋo loo a faŋo ye. Kabiriŋ a ye a baŋ, wo to le a taata Kilikali.”

5 Musa 3:14

Bituŋ Yayiri meŋ bota Manase lasiloo kono, wo naata Arikobu tundoo bee taa, meŋ be Basani bankoo kaŋ, ka taa fo naanewo to, Kesurinkoolu niŋ Maakatinkoolu be daameŋ. A ye jee saateeriŋolu toolaa a faŋo le la, aduŋ ì ka a fo wo saatewolu ye le Yayiri la saateeriŋolu fo ka naa bula bii la.

Jabuuroolu 39:7

“Wo to saayiŋ, Maariyo nte be jiki la muŋ ne la? Ŋa n jikoo loo ite le kaŋ.

Kawandilaa 2:14

Moo ñaamendiŋo la jeroo ka fanu le, bari toolewo, ate ka tara timili-tamali la diboo le kono. Bari ŋa a je le ko, ì bee labaŋo ka ke kiliŋ ne ti.

Kawandilaa 2:21

Moo si dookuwo ke a la ñaameŋo daŋo la, aniŋ a la londoo niŋ a la dookuu noo baa. Bituŋ a niŋ doo ye naa deŋ wo dookuwo munafaŋo la, meŋ maŋ bataa a kunna. Nafaa te a la, aduŋ kuu dimindiŋo le mu.