Jabuuroolu 49:1 - Mandinka Bible

¹ Moolu bee, ali i lamoyi ñiŋ na. Duniyaa moolu bee, ali ali tuloo loo ñiŋ na.

Jabuuroolu 49:1 ပူးပေါင်းရင်းမြစ်များ

Jabuuroolu 78:1

N na moolu, ali i lamoyi n na karandiroo la, ali ye ali tuloo loo n daakumoolu la.

Lankenemoo 2:17

“Meŋ ye tuloo soto ka moyiroo ke, a si a moyi, Nooroo be meŋ fo kaŋ Yeesu la kafoolu ye. Meŋ keta noorilaa ti, m be manna* maaboriŋo doo dii la a la le, aduŋ m be bere koyoo fanaa dii la a la le. Too kutoo be tara la safeeriŋ wo beroo bala le, moo-wo-moo te meŋ loŋ na, fo meŋ ye a soto.

Lankenemoo 2:7

“Meŋ ye tuloo soto ka moyiroo ke, a si a moyi, Nooroo be meŋ fo kaŋ Yeesu la kafoolu ye. Meŋ keta noorilaa ti, m be siloo dii la wo la le ka domoroo ke ka bo yiroo to, meŋ ka baluwo dii. Wo yiroo be Alla la naakoo le kono.

Roomankoolu 10:18

Bari ŋa ñininkaaroo ke, “Fo ì maŋ kumoo moyi baŋ?” Tooñaa, ì ye a moyi le! A be safeeriŋ kiilaalu la kuwo to ko: “Ì la kankulaaroo ka janjaŋ duniyaa bee le kono, aduŋ ì la kumakaŋolu ka futa duniyaa daŋolu to le.”

Roomankoolu 3:29

Fo Alla mu Yahuudoolu doroŋ ne la Alla ti baŋ? Fo a maŋ ke moo koteŋolu fanaa la Alla ti baŋ? Haa, a mu moo koteŋolu fanaa la Alla le ti, mennu maŋ ke Yahuudoolu ti.

Matiyu 11:15

Meŋ ye tuloo soto, a si a moyi.

Jabuuroolu 33:8

Bankoo daafeŋolu bee si sila Yaawe la, alitolu duniyaa moolu bee, ali a kuliyaa.

Lankenemoo 2:29

“Meŋ ye tuloo soto ka moyiroo ke, a si a moyi, Nooroo be meŋ fo kaŋ Yeesu la kafoolu ye.”

Lankenemoo 2:11

“Meŋ ye tuloo soto ka moyiroo ke, a si a moyi, Nooroo be meŋ fo kaŋ Yeesu la kafoolu ye. Meŋ keta noorilaa ti, saayaa fulanjaŋo te wo maa la muk!

Matiyu 13:9

Meŋ ye tuloo soto, a si a moyi.”

Malaki 1:11

Nte too be warariŋ bankoolu kaŋ ne, ka bo tilibo ka taa tilijii, aduŋ daa-wo-daa seerandi feŋolu le ka siisindi n tooyaa la jee, aniŋ sadaa kendoolu, kaatu n too warata bankoolu kaŋ ne.” Yaawe Alihawaa Maariyo le ye a fo.

Mika 1:2

Ali moyiroo ke bankoolu bee, ali bee kewu. Duniyaa niŋ a konokono feŋolu, ali i lamoyi. M Maarii Yaawe faŋo le be seedeyaa la ali la kuwo la, ka bo a taradulaa senuŋo to.

Yesaya 49:6

Saayiŋ, Yaawe ko n ye le ko, “I mu n na dookuulaa le ti, i be kuu le ke la, meŋ tambita ka Yaakuba lasiloolu seyindi ì ñaama, ka Banisirayila moo toomaalu murundi naŋ. M be i ke la bantala bankoolu* fanaa ye maloo le ti, i ye n na kiisoo samba duniyaa tonkoŋ naanoo bee to.”

Yesaya 1:2

Saŋ fatoo, i lamoyi! Bankoo, i tuloo loo! Kaatu Yaawe* le ka naa diyaamu. A ko, “Ŋa dindiŋolu kuluu le fo ì menta, bari ì ye balaŋo le tiliŋ n na.

Jabuuroolu 34:11

N diŋ kusaŋolu, ali naa, ali ye i lamoyi n na, ŋa ali karandi Yaawe ñaasilaŋo la.

Jabuuroolu 48:1

Yaawe* warata le! Jayiroo ñanta wara la a ye le famfaŋ, ntolu la Alla la saatewo kono, meŋ be looriŋ a la konko senuŋo* kaŋ.

Jabuuroolu 46:1

Alla le mu ǹ na tankandirilaa ti, ǹ jikiraŋ semboo. Maakoyirilaa le mu, meŋ ka tu sabatiriŋ m̀ fee koleyaa kono.

Jabuuroolu 50:1

Sembetii Baa, Yaawe* Alla diyaamuta le, a ye duniyaa moolu bee kumandi ka bo tilibo ka taa tilijii.

Jabuuroolu 42:1

N niyo be ñaaniriŋ ite Alla le la ko minaŋo ka ñaani woyoo la ñaameŋ.

Yeremiya 25:2

Wo to le n naata ñiŋ kiilaariyaa kumoo fo Yahuuda moolu bee ye, aniŋ mennu bee be siiriŋ Yerusalaamu saatewo kono ko: